ფიჭური კავშირგაბმულობის კომპანია ”ბილაინი” მომხმარებლებს აქციას”მობილური ტელეფონი უნიკალურად დაბალ ფასად” კვლავ სთავაზობს. მობილური ტელეფონის შეძენა მსურველებს დღეიდან, კომპანიის გაყიდვებისა და მომსახურების ოფისებსა და ”ბილაინის” გაყიდვის წერტილებში შეუძლიათ და მისი ფასი 29 ლარი და 95 თეთრია. მობილური ტელეფონი მხოლოდ ”ბილაინის” ქსელში მუშაობს და მის მფლობელს შეუძლია მისთვის სასურველი სატარიფო გეგმით ისარგებლოს. ”წინასაახლწლო პერიოდში ბილაინის მობილურ ტელეფონზე მოთხოვნამ მოლოდინს გადააჭარბა, კომპანიის აბონენტთა რაოდენობა აქციის მსვლეობისას 10 %-ით გაიზარდა. აქედან გამომდინარე, ვითვალისწინებთ ქართველი მომხმარებლის მოთხოვნას და ვანახლებთ იმ პროდუქტის შეთავაზებას, რომელმაც უპრეცედენტო მოთხოვნა გამოიწვია”,-აცხადებს ”ბილაინის” საზოგადოებასთან ურთიერთობის  დეპარტამენტის ხელმძღვანელი  თეონა ბაღდავაძე.