კორპორაცია Google-მა აპლიკაციების ახალი პაკეტი Google Apps წარმოადგინა. იგი სამთავრობო და მუნიციპალიტეტურ ორგანოებზეა ორიენტირებული. Google Apps-ის ღირებულება წელიწადში ერთ სამუშაო ადგილზე 50 აშშ დოლარს შეადგენს. ახალი პროდუქცია აშშ-ს ფედერალურმა სამმართველომ უკვე გამოიყენა საცდელ რეჟიმში. როგორც Google-ში აცხადებენ, აღნიშნული პაკეტი პირველია, რომელმაც უსაფრთხოების სერთიფიკატი სამთავრობო დაწესებულებებიდან მიიღო. Google Apps მოიცავს Gmail-ს, Google Calendar-ს, საოფისე პაკეტს Google Docs და საიტების კონსტრუქტორს Google Sites. გარდა ამისა, Google Apps-ში შედის Video დამატება, რაც YouTube ფუნქციის ანალოგია.