ფიჭური კავშირგაბმულობის კომპანია ”მაგთიკომი” "მაგთი ფიქსის" აბონენტებისთვის EVDO ინტერნეტ-სერვისს აიაფებს. შემოთავაზების მიხედვით EVDO მოდემის მაღალსიჩქარიანი ინტერნეტის 30-დღიანი სარგებლობისათვის აბონენტს შესაძლებლობა ეძლევა აირჩიოს მომსახურების ორი პაკეტიდან სასურველი: სტანდარტ-პაკეტი ან ეკონომ-პაკეტი. სტანდარტ-პაკეტის არჩევისას მომხმარებელი მაღალსიჩქარიანი ინტერნეტით ისარგებლებს, სანამ მოხმარებული გიგაბაიტების რაოდენობა არ მიაღწევს 5 GB-ს. აქტივაციის ღირებულებაა 45 ლარი, საიდანაც 30 ლარი არის ინტერნეტით 30-დღიანი სარგებლობის ღირებულება, 15 ლარი კი ავტომატურად დაირიცხება წინასწარ არჩეულ მაგთის, ბალის, ბანის ან მაგთი ფიქსის ნომრის ანგარიშზე. ეკონომ-პაკეტის არჩევისას კი მომხმარებელი მაღალსიჩქარიანი ინტერნეტით სარგებლობს, სანამ მოხმარებული გიგაბაიტების რაოდენობა არ მიაღწევს 1 GB-ს. სერვისის 30-დღიანი აქტივაციის ფასია 15 ლარი. გამოუყენებელი მეგაბაიტები 30-დღიანი ვადის გასვლის შემდეგ ანულირდება.