სააქციო საზოგადოება „ხალიკ ბანკი საქართველო“ და კომპანია „MasterCard“-ი წარმოგიდგენთ ინოვაციურ პროდუქტს – მაჯის საათს უკონტაქტო გადახდის ტექნოლოგიით.

Watch2pay აღჭურვილია პერსონალიზებული საბანკო ბარათით და მისი მეშვეობით გადახდა შესაძლებელია ნებისმიერ ტერმინალზე ერთი შეხებით. მოწყობილობის შეძენა შესაძლებელია სს „ხალიკ ბანკი საქართველო“-ს ფილიალებში.

watch2pay-2

ნიკოლოზ გეგუჩაძე, სს „ხალიკ ბანკი საქართველო“-ს გენერალური დირექტორი:

-საქართველოში პირველი უკონტაქტო გადახდა 7 წლის წინ შესრულდა და გადახდის ეს ფორმა სულ უფრო და უფრო პოპულარული ხდება. სტატისტიკური მაჩვენებლების მიხედვით, საქართველო უკონტაქტო ტრანზაქციების რაოდენობით სამხრეთ-აღმოსავლეთ ევროპის და აზიის რეგიონში მესამე ადგილს იკავებს. უკონტაქტო გადახდების განხორციელება შესაძლებელია თითქმის ყველა POS და mPOS ტერმინალის საშუალებით საქართველოს ტერიტორიაზე არსებულ 24 000-ზე  მეტ სავაჭრო წერტილში.

„ხალიკ ბანკი საქართველო“-სა და „MasterCard“-ის ერთობლივი პროექტის  წყალობით რეგიონში პირველად გახდება შესაძლებელი უკონტაქტო ანგარიშსწორება მაჯის საათის მეშვეობით. შეიძლება ითქვას, რომ ეს არის „უკონტაქტო რევოლუცია“ გადახდებში. საათის წყალობით საფულიდან ბარათის ამოღება საჭირო აღარ არის.

halyk-bank

პროდუქტს, ინოვაციურობიდან გამომდინარე, უფრო მეტად ახლგაზრდა თაობა დააფასებს (თავისუფალი უნივერსიტეტის, ქართულ-ამერიკული უნივერსიტეტისა და ილიას სახელმწიფო უნივერსიტეტის წარმატებულ სტუდენტებს მოწყობილობას საჩუქრადაც კი გადავცემთ), მაგრამ იქიდან გამომდინარე, რომ საქართველო უკონტაქტო გადახდების განვითარების თვალსაზრისით ევროპაში ერთ-ერთი პროგრესული ბაზარია და  მომხმარებელს არ ეშინია სიახლეების, ჩვენ დარწმუნებულები ვართ, რომ Watch2pay ყველა ასაკის მომხმარებელს ძალიან მოეწონება.

წინა სტატიაXiaomi Mi Drone
შემდეგი სტატიაილიაუნი მზის ენერგიით მიღებული ელექტროენერგიით მომარაგდება

პასუხის გაცემა

შეიყვანეტ კომენტარის ტექსტი
შეიყვანეთ თქვენი სახელი