iFixit-ის სპეციალისტებმა დაშალეს ახალი MacBook Pro 13 და დაასკვნეს, რომ მისი გაფუჭების შემთხვევაში პრაქტიკულად აზრი არ აქვს სარემონტოდ მიტანას.
შეგახსენებთ MacBook Pro 13 არის მოდელი, რომელსაც არ აქვს დამატებითი ეკრანი (Touch Bar) კლავიატურის ზევით. აკუმლატორი ის ზომა 25%-ით არის შემცირებული წინა მოდელთან შედარებით. 3,5 მმ-იანი აუდი ჯეკი მოდულური გახდა და შესაძლოა ის მომავალ მოდელებში ჩანაცვლდეს Lightning ან USB Type-C-ით ჩანაცვლდეს მსგავსად iPhone 7-ისა.
პროცესორი და ოპერატიული მეხსიერება პირადპირ პლატაზეა განთავსებული და მათი ჩვეულებრივად შეცვლა შეუძლებელია. SSD დისკი მოხსნადია, მაგრამ მუშაობას მხოლოდ Apple-ის უნიკალური კონტროლერით აღჭურვილი მოდელები შეძლებს. ეკრანი და დამცავი შუშა ერთიანად არის ჩამოსხმული და მხოლოდ სრული პანელის გამოცვლაა შესაძლებელი.
რემონტის შესაძლებლობის შკალაზე iFixit-ის შეფასებით ახალი MacBook Pro 13 მხოლდო 2 ბალს იღებს მაქსიმალური 10 ბალიანი შეფასებიდან. მოწყობილობის შეკეთება ფაქტიურად უსარგებლოა და ის მხოლოდ MacBook 12-ს ჯობია, რომელმაც მხოლოდ 1 ბალი აიღო.
