კომპანია Lenovo-მ ჩინეთში გამართულ პრეზენტაციაზე ახალი სმარტფონი Moto M წარმოადგინა, რომელიც მეტალის კორპუსით, მაღალი ტექნიკური მონაცემებით და შედარებით დაბალი ფასით გამოირჩევა.
ანონსამდე ცნობილი იყო სიახლის ტექნიკური მონაცემები და პრეზენტაციამ სიურპრიზების გარეშე ჩაიარა და განსხვავებული მხოლოდ Mediatek Helio P15 ჩიპსეტი აღმოჩნდა P10-ის ნაცვლად.
უნდა აღვნიშნოთ, რომ Moto M-მა მიიღო USB Type-C პორტი, რაც ამ სტანდარტის გავრცელებას კიდევ უფრო შეუწყობს ხელს. სამრტფონის კორპუსს აქვს P2i ნანოსაფარი და წყლის წვეთებისაგან და ჭავლისაგან დაცვა.
ტექნიკური მონაცემები:
- ჩიპსეტი: MediaTek Helio P15, 8 ბირთვი, 2.2 გჰც, გრაფიკა Mali-T860MP2
- ოპერატიული მეხსიერება: 4 გბ
- შიდა მეხსიერება: 32 გბ
- ეკრანი: 5,5 დიუმი, 1920х1080 პიქსელი
- მთავარი კამერა: 16 მპ, ფაზური ავტოფოკუსი
- წინა კამერა: 8 მპ
- ბატარეა: 3050 მა/სთ, USB Type-C სწრაფი დამუხტვა
- თითის ანაბეჭდების სკანერი: უკანა პანელზე
- აუდიო: Dolby Atmos
- კავშირი: ორი SIM-ბარათის სლოტი, 4G LTE
- საოპ. სისტემა: Android 6.0 Marshmallow
- კორპუსი: მეტალის
- ფერები: ვერცხლისფერი, ოქროსფერი
Moto M – 11 ნოემბერს გამოვა ჩინეთის ბაზარზე და მისი ფასი 1999 იუანი იქნება, რაც მიმდინარე კურსით დაახლოებით 300 დოლარია.
