Qualcomm-მა შემდეგი თაობის სმარტფონების პროცესორის დასახელება და მისი გამოსვლის სავარაუდო პერიოდი დაასახელა. Snapdragon 835-ზე დაფუძნებული მოწყობილობები შემდეგი წლის დასაწყისიდან გამოვა და კომპანიის უახლესი Quick Charge 4.0 ტექნოლოგიის მხარდაჭერა ექნება. ახალი ჩიპი 10 ნანომეტრიანი პროცესით დამზადდება და ჩაანაცვლებს მიმდინარე 820/821 ჩიპსეტს.
Qualcomm არ ამხელს Snapdragon 835-ის დეტალურ ტექნიკურ სპეციფიკაციას და მხოლოდ ზოგადად ამბიბს, რომ უფრო მეტი წარმადობა და უფრო ენერგეო ეფექტური იქნება. (Snapdragon 820 უფრო დიდი 14 ნანომეტრიანი პროცესით იწარმოება)
უფრო მეტი დეტალი Quick Charge 4.0-ის შესახებ გასაჯარდოვდა და მას უფრო მეტი მოწყობილობის, დამტენის და კაბელის მხარდაჭერა ექნება. საუბარია 5 წუთში 5 საათის მუშაობისთვის საკმარისი მუხტის გადაცემის შესახებ, რაც 20 პროცენტით სწრაფი და 30 პროცენტით უფრო ეფექტურია ვიდრე Quick Charge 3.0.
3.0-თან შედარებით Quick Charge 4.0 სრულად იქნება USB Type-C პროტოკოლებთან და მათ შორის USB Power Delivery ექნება. Qualcomm ამბობს, რომ ის თავსებადი იქნება Google-ის ახალ სპეციფიკაციებთან Type-C დამუხტვასთან დაკავშირებით. ამ სპეციფიკაციებში შედის ვოლტაჟის უფრო ზუსტი გაზომვა და ტემპერატურის კონტროლი, რა მოცწყობილობას და დამტენს დაზიანებისგან დაიცავს. მას ასევე ექნება გადამუხტვისგან დაცვის ახალი მექანიზმი.
მოკლედ თქვენი ახალი სმარტფონი უფრო სწრაფად დაიმუხტება, იმუშავებს უფრო მეტ USB-C დამტენთან და ნაკლებად გამოიწვევს დაზიანებასა და აალების საშიშროებაც დაიკლებს, რომელიც დაბალი ან გაფუჭებული კაბელის მიზეზით ხდება ხოლმე. უახლოეს მომავალში გაცილებით მეტი მონაცემები და დეტალები გახდება ცნობილი.
