კიდევ ერთი ჰიტი, რომელიც Denuvo-თი იყო დაცული არალეგალური კოპირებისგან უძლური აღმოჩნდა ჰაკერების წინააღმდეგ. ცნობილმა გუნდმა Conspiracy მოახერხა Mass Effect: Andromeda-ს გატეხვა და DRM დაცვლის ნეიტრალიზება რელიზიდან სულ რაღაც ერთ კვირაში.
უცნობია კონკრეტულად რომელი ვერსიის Denuvo გამოიყენება MassEffect: Andromeda-ში მაგრამ არის ალბათობა, რომ ახლა უკვე BioWare იტყვის უარს DRM დაცვის მექანიზმებზე მათი არაეფექტურობის გამო და მას უახლოეს განახლებებში გათიშავს საერთოდ ისევე, როგორც ეს თავის დროზე DOOM და INSIDE-ში მოხდა. შეგახსენებთ, რომ Denuvo-ს გატეხვის რეკორდი Resident Evil 7-ის ჰაკერებს ეკუთვნის, რომლებმაც დაცვა 5 დღეში დაამარცხეს.
MassEffect: Andromeda-ს რელიზი 21 მარტს შედგა PC და მიმდინარე თაობის კონსოლებზე. თამაშის სიუჟეტი ირმის ნახტომის გალაქტიკის კოლონისტების ისტორიას აღწერს, რომლებმაც ანდრომედას გალაქტიკის დაპყრობა განიზრახეს და იქ ცხოვრებისთვის ვარგის პლანეტებს ეძებენ.
