5 მაისს საქართველოს ინოვაციებისა და ტექნოლოგიების სააგენტომ ევროპის დღე რიყის პარკში სამეცნიერო ლაბორატორიით აღნიშნა.
ინოვაციების სააგენტოს სტენდთან წარმოდგენილი იყო: ტექნოპარკის ფაბლაბში შექმნილი ნამუშევრების გამოფენა, ვორქშოფები სხვადასხვა ასაკის ბავშვებისთვის, ციფრული ხატვის კუთხე და უსინათლოთა საინფორმაციო კუთხე.
“ჩვენ წინასწარ გამოვაცხადეთ ევროპის დღისადმი მიძღვნილი ვორქშოფი, რომელშიც მონაწილეობა მიიღეს გლდანისა და რუსთავის ფაბლაბებმა. აღსანიშნავია, რომ დღეს ყველა ასაკობრივ ჯგუფზე გვაქვს გათვლილი აქტივობები.” აღნიშნა საქართველოს ინოვაციებისა და ტექნოლოგიების სააგენტოს დონორებთან ურთიერთობისა და ფონდების მოძიების კოორდინატორმა ანი ვაშაყმაძემ.
აღსანიშნავია, რომ აქტივობები ითარგმნებოდა ჟესტების ენაზე.
