საქართველოს უნივერსიტეტში GameJam-ი მიმდინარეობს

საქართველოს უნივერსიტეტში Tbilisi Digital Expo-ს ფარგლებში GameJam-ის პირველი ეტაპი მიმდინარეობს, სადაც 50-მდე ადამიანი იღებს მონაწილეობას.
GameJam-ის პირველი ეტაპი  48 საათს გასტანს, ხოლო 13 მაისს, 20:00 საათზე თამაშების პრეზენტაცია შედგება.

GameJam-ის ასარჩევი თემებია:

Alternative reality,

Neon lights,

Students.

„ამ ღონისძიების მთავარი მიზანი, რა თქმა უნდა, საქართველოში თამაშების ინდუსტრიის განვითარებაა. GameJam-ის გამარჯვებული ინდივიდი/გუნდი ბელორუსიაში Casual Connect-ზე გაემგზავრება. გამარჯვებულ ინდივიდს/გუნდს, სურვილის შემთხვევაში საშუალება ექნება წარადგინოს საკუთარი თამაში, ან უბრალოდ დაესწროს აღნიშნულ ღონისძიებას და მიიღოს გამოცდილება.“ – განაცხადა ნავიგატორთან საუბრისას Venatus–ის დამფუძნებელმა გოგა გორგოძემ.

გამარჯვებული ინდივიდი/გუნდი 16 მაისს, ტექნოპარკში Tbilisi Digital Expo-ს ღონისძიებაზე გამოცხადდება. (https://www.facebook.com/events/189434301843079/)