რა უნდა ვიცოდეთ Hardware წარმოებისთვის?

ამის შესახებ 4 ივლისს, 19:00 საათზე ტექნოპარკში FABTALKS-ის მომდევნო შეხვედრა გაიმართება, რომლის მიზანიც ინოვატორებისთვის მოტივაციისა და ინსპირაციის მიცემაა.

აღნიშნული შეხვედრის სპიკერი იქნება გამოცდილი ანტრეპრენიორი და ტექნოლოგიების კომერციალიზაციის ექსპერტი – დავით ჩეჩელაშვილი, რომელიც თანადამფუძნებელია ხუთი გლობალური სტარტაპის ხელოვნური ინტელექტისა და იმერსიული ვიზუალიზაციის მიმართულებით.

სპიკერი საკუთარ გამოცდილებაზე დაყრდნობით ისაუბრებს წარმოებაზე და ამ პროცესთან დაკავშირებულ გამოწვევებზე. ის სტარტაპებს და დაინტერესებულ პირებს მისცემს რჩევებს, თუ როგორ უნდა მოახდინონ დიზაინის ოპტიმიზაცია ხელშესახები პროდუქტის შექმნისა და წარმოებისთვის.

ფაბლაბი – არის უნიკალური სივრცე ნებისმიერი მოქალაქისათვის, რომელსაც აქვს იდეა და სურს მისი განხორციელება ან სტარტაპ ბიზნესად ჩამოყალიბება. ️სწორედ ეს სამრეწველო ინოვაციების ლაბორატორია საუკეთესო შესაძლებლობაა ინოვატორებისთვის, რომ შექმნან ფიზიკური პროდუქტები და განახორციელონ საკუთარი იდეა.