სექტემბერში საქართველოს ინოვაციების და ტექნოლოგიების სააგენტო ტურიზმის განვითარების მიმართულებით ჰაკათონს – ,,hack_a_tour“-ს გამართავს, რომლის მიზანიც ინფორმაციული ტექნოლოგიების გამოყენებით საქართველოში ტურიზმის განვითარების ხელშეწყობაა, ასევე ინფორმაციული და ინოვაციური ტექნოლოგიებით დაინტერესებული ადამიანებისთვის განვითარებისა და ჩანაფიქრების რეალიზაციის პრაქტიკული შესაძლებლობის შექმნა.
ჰაკათონი საქართველოს მასშტაბით 10 სხვადასხვა გეოგრაფიულ წერტილში ერთდროულად ჩატარდება, რაც კონკურსანტებს მაქსიმალურად შეუწყობს ხელს, მარტივად მიიღონ მონაწილეობა პროექტში.
