7-9 ნოემბერს, თბილისში მონაცემთა ყოველწლიური ფესტივალი, DataFest Tbilisi გაიმართება.

DataFest Tbilisi-ზე სპიკერები ისეთი გლობალური კომპანიებიდან ჩამოდიან, როგორებიცაა: Google Cloud, Facebook, Amazon, Zalando და 30 სხვა.

აღსანიშნავია, რომ მონაცემებისა და კომუნიკაციების თემაზე ამ მასშტაბის ღონისძიება კავკასიის რეგიონში აქამდე არ გამართულა.

DataFest Tbilisi-ს სხვადასხვა ქვეყნიდან 500 მონაწილე ეყოლება.

ღონისძიებაზე მონაწილეები პირველ დღეს ინდუსტრიის ლიდერებისგან ინსპირაციულ გამოსვლებს მოისმენენ;

მეორე დღეს, ამავე ექსპერტებისგან, თემატურ სემინარებზე უფრო სიღრმისეულად შეისწავლიან მათთვის საინტერესო საკითხებს;

მესამე დღეს, datathon-ებზე უკვე პრაქტიკაში გაატარებენ იმ ცოდნას, რაც პირველი ორი დღის განმავლობაში დააგროვეს.

DataFest Tbilisi 2018 6 თემას მოიცავს:

  1. მონაცემების კომუნიკაციაში დიზაინის გამოყენება;
  2. მონაცემთა ჟურნალისტიკა;
  3. ფინანსური მონაცემები და ტექნოლოგიები;
  4. მონაცემების გამოყენება პოლიტიკასა და მმართველობაში;
  5. ხელოვნური ინტელექტი და მონაცემთა მეცნიერება;
  6. მონაცემების გამოყენება ბიზნესსა და მარკეტინგში.

დამატებითი ინფორმაცია DataFest Tbilisi-ისა და წლევანდელი სპიკერების შესახებ.

წინა სტატიაWeb summit 2018-ზე 12 ქართული კომპანია წარსდგება
შემდეგი სტატიაინოვაციებისა და თანამედროვე ტექნოლოგიების ბანაკი ბათუმში

პასუხის გაცემა

შეიყვანეტ კომენტარის ტექსტი
შეიყვანეთ თქვენი სახელი