ონლაინ გამოცემა Motherboard-ის ინფორმაციით, ახალი წლის ღამეს ჰაკერთა ჯგუფი სახელწოდებით The Dark Overlord, 11 სექტემბრის ტერორისტულ აქტთან დაკავშირებული სადაზღვევო და იურიდიული დოკუმენტების გასაჯაროებით დაიმუქრა.
ჯგუფმა ფაილების მცირე ნაწილი გაასაჯაროვა. ფაილების ჩამოტვირთვა და წაკითხვა ყველა ადამიანს შეუძლია.
მოპარული ინფორმაცია Hiscox Group-ის კონტრაქტორ იურიდიულ ფირმას ეკუთვნის. The Dark Overlord-ის გავრცელებული არქივი 10 გიგაბაიტ ფაილებს შეიცავს. ჰაკერების ჯგუფმა ფაილების მხოლოდ მცირე ნაწილი გახსნა, მხოლოდ მას შემდეგ, რაც გამოცხადებული ქრაუდფანდინგით ინტერნეტ-მომხმარებლებმა მას 3 ბიტკოინი (11000 დოლარი) გადაურიცხეს.
