სულ მალე ბიზნეს აქსელერატორი Spark ამოქმედდება
მცირე და საშუალო ბიზნესის ხელშეწყობის მიზნით, ბიზნეს აქსელერატორი Spark-ი ამოქმედდება – ამ ინიციატივის ავტორი თბილისის მერიაა. ბიზნეს აქსელერატორი მცირე და საშუალო ბიზნეს სექტორისთვის, რომელიც 2019 წლიდან ამოქმედდება, თბილისის მერიის ინიციატივითა და ევროკავშირის მხარდაჭერით შეიქმნა. პროექტის ფარგლებში მოხდება ბიზნესგეგმის შედგენა, ვებ-გვერდების შექმნა, ადვოკატირება და სხვ.
Airbnb ოკუპირებული რეგიონებიდან აღარ მიიღებს განცხადებებს
ინტერნეტ სივრცეში ბინების გაქირავების გლობალური და ერთ-ერთი ყველაზე პოპულარული პლატფორმაა Airbnb. მათი თქმით, ისინი საქართველოს ორი ოკუპირებული რეგიონიდან – აფხაზეთიდან და სამხრეთ ოსეთიდან აღარ მიიღებენ განცხადებებს. Airbnb-ის მიერ გამოქვეყნებულ განცხადებაში საუბარია იმ კონფლიქტზე, რომელიც საქართველოსა და ოკუპირებული რეგიონების დავის საგანია. სწორედ ეს გახდა ამ გადაწყვეტილების მიღების მიზეზი.
Twitter-ის განცხადებით, წლების განმავლობაში პირადი თვითები საჯარო იყო
სოციალური ქსელი Twitter-ის მიერ გავრცელებული განცხადებით ირკვევა, რომ წლების განმავლობაში Android-ის აპლიკაციით გამოქვეყნებული პირადი პოსტები სინამდვილეში საჯარო იყო. Twitter-ის განცხადებით, მომხდარი ეხებათ იმ მომხმარებლებს, რომლებმაც 2014 წლის ნოემბრიდან 2019 წლის იანვრამდე პერიოდში საკუთარი ანგარიშის ფოსტა შეცვალეს. მათივე თქმით, 14 იანვრიდან ეს პრობლემა უკვე აღმოფხვრილია.