Tinder ვალდებული იქნება რუსეთს მომხმარებელთა შესახებ ინფორმაცია მიაწოდოს
BBC-ის რუსული სამსახურის ინფორმაციით, რუსეთის ფედერალურმა სამსახურმა, როსკომნადზორმა Tinder ინფორმაციის გამავრცელებელთა რეესტრში დაარეგისტრირა, ხოლო რეესტრში მოხვედრით, Tinder ვალდებული იქნება უსაფრთხოების სამსახურებს მომხმარებელთა შესახებ ინფორმაცია მიაწოდოს. 2018 წლის მონაცემებით, Tinder 190 ქვეყანაში 57 მილიონი მომხმარებელი ჰყავს, ხოლო რაც შეეხება რუსეთის, რუსეთის App Store-ში აპლიკაცია Tinder პოპულარობის მიხედვით მეშვიდე ადგილზეა.
Facebook-ის ცენზურის ქვეშ Led Zeppelin-ის 1973 წლის ალბომის ყდა მოყვა
Facebook-ის ცენზურის ქვეშ Led Zeppelin-ის 1973 წლის ალბომის ყდა მოყვა. Classic Rock magazine-ის ინფორმაციით, სოციალურმა ქსელმა ობრი პაუელის საკულტო ნამუშევარი დაბლოკა, სადაც ჩანს, თუ როგორ ძვრებიან შიშველი ბავშვები ქვებზე. Facebook-ზე ყდა 2011 წელს, ჯგუფის გვერდზე განათავსდა. 8 წლის შემდეგ კი ფეისბუქმა გვერდს შეტყობინება გამოუგზავნა, რომელშიც ეწერა, რომ ფოტომასალა სოციალური ქსელის კონტენტის პოლიტიკას ეწინააღმდეგებოდა.
ზუგდიდის ტექნოპარკში ლეგო რობოტიკის ტრენინგები გრძელდება
ზუგდიდის ტექნოპარკში ლეგო რობოტიკის ტრენინგები გრძელდება. ამ ტრეინინგების სერიის საშუალებით ბავშვები ეცნობიან პროგრამირებისა და რობოტიკის საწყისებს და საკუთარი ხელით ქმნიან რობოტებს. “ტრენინგების მიზანია ხელი შეუწყოს სკოლის მოსწავლეებში ინოვაციური აზროვნების განვითარებასა და მეტ ჩართულობას თანამედროვე ტექნოლოგიებში.” – წერს ტექნოპარკი ზუგდიდი. მსურველები უნდა დარეგისტრირდნენ მითითებულ ბმულზე – http://tiny.cc/kst36y
ზაზა ფაჩულია ქართველ სტარტაპებს ტექნოპარკში შეხვდება
24 ივნისს. 19:00 საათზე NBA – ს ორგზის ჩემპიონი, ენტრეპრენერი და ენჯელინვესტორი ზაზა ფაჩულია ქართველ სტარტაპებს ტექნოპარკში შეხვდება. “ზაზა ფაჩულია დამსწრე საზოგადოებას წარმატების საკუთარ ისტორიას გააცნობს, გაიხსენებს პირველ ნაბიჯებს კარიერაში, რა წინააღმდეგობებისა და სირთულეების გადალახვა მოუწია სპორტსმენს წარმატებისკენ მიმავალ გზაზე, როდის და რატომ დაინტერესდა ენტრეპრენერობით და რა რჩევებს მისცემს ქართველი ენჯელინვესტორი ახალგაზრდებს. შეხვედრა კითხვა-პასუხის რეჟიმში […]