Facebook-ის ცენზურის ქვეშ Led Zeppelin-ის 1973 წლის ალბომის ყდა მოყვა. Classic Rock magazine-ის ინფორმაციით, სოციალურმა ქსელმა ობრი პაუელის საკულტო ნამუშევარი დაბლოკა, სადაც ჩანს, თუ როგორ ძვრებიან შიშველი ბავშვები ქვებზე.
Facebook-ზე ყდა 2011 წელს, ჯგუფის გვერდზე განათავსდა. 8 წლის შემდეგ კი ფეისბუქმა გვერდს შეტყობინება გამოუგზავნა, რომელშიც ეწერა, რომ ფოტომასალა სოციალური ქსელის კონტენტის პოლიტიკას ეწინააღმდეგებოდა.
