აგვისტოს ომის მე-11 წლისთავი – შეხვედრა სკოლის მოსწავლეებთან
იუსტიციის მინისტრის მოადგილე – გოჩა ლორთქიფანიძე და ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს თავმჯდომარე ავთანდილ კასრაძე ტყვიავის საზოგადოებრივ ცენტრში სკოლის მოსწავლეებს შეხვდნენ. შეხვედრა აგვისტოს ომის მე-11 წლისთავზე მოხდა. მოზარდებისთვის მოეწყო სპეციალური საბავშვო ტრენინგები (Little Bits, Lego Robotics). ამასთანავე, მონაწილეებმა აგრეთვე მოისმინეს პრეზენტაცია მეოთხე ინდუსტრიული რევოლუციისა და ტექნოპარკის FABLAB-ში არსებული შესაძლებლობების შესახებ.
სტარტაპ დისკუსია Lemondo-ს დამფუძნებელთან
startuper-ის ორგანიზებით 1 აგვისტოს სტარტაპ დისკუსია Lemondo-ს დამფუძნებელთან, Levan Kiladze-სთან გაიმართა, სადაც ლევან კილაძემ დისკუსიის მონაწილეებს საკუთარი გამოცდილება გაუზიარა. აღნიშნული სტარტაპ დისკუსია, როგორც სტარტაპერი წერს, ყოველთვიურად გაიმართება. სტარტაპერი თიბისი ბანკის პროგრამაა, რომლის მიზანია სტარტაპების განვითარების ხელშეწყობა და ახალი ბიზნესის წამოწყების სტიმულირება.პროგრამა მოიცავს ფინანსურ და არაფინანსურ მხარდაჭერას სტარტაპებისთვის.
Twitter-მა პირადი მონაცემები უნებართვოდ გამოიყენა
სოციალურმა ქსელმა Twitter-მა პირადი მონაცემები უნებართვოდ გამოიყენა. როგორც Reuters წერს, ამის მიზეზად კომპანიაში პარამეტრების პროგრამულ ხარვეზს ასახელებენ და განმარტავენ, რომ ეს გამიზნულად არ გაუკეთებიათ. საუბარია პირად მონაცემებზე, რომლებიც, ასევე, შეიცავს მომხმარებლის საცხოვრებელი ქვეყნის საფოსტო კოდს. „თქვენ გვენდეთ, ჩვენ კი იმედი გაგიცრუეთ“, – განაცხადეს კომპანიის წარმომადგენლებმა და საზოგადოებას ბოდიში მოუხადეს.
თუ iOS-ს ან macOS-ს გატეხავთ, Apple ერთ მილიონ დოლარს გადაგიხდით
კომპანია Apple ნებისმიერ ადამიანს, რომელიც iOS-ის ან macOS-ის გატეხვას/დაჰაკვას შეძლებს ერთ მილიონ დოლარს გადაუხდის. ეს კომპანიის მიმდინარე პროგრამაა, რომლის მიზანიცაა განახლებულ პროგრამაში შეცდომების აღმოჩენა და ხარვეზების გამოსწორება. Apple მიმდინარე პროგრამაში სხვადასხვა ტიპის ჯილდოებს სთავაზობს დაინტერესებულ პირებს. მაგალითად, თუ შეძლებთ, რომ აიფონის ეკრანის ბლოკს გვერდი აუაროთ, Apple-ისგან თქვენ $100 000-ს მიიღებთ.