Huawei აშშ-ის მთავრობას კიბერშეტევაში და თანამშრომლებისადმი მუქარაში ადანაშაულებს. კომპანია აცხადებს, რომ აშშ-ის მთავრობა ყველა შესაძლო გზას მიმართავს იმისთვის, რომ ტექნოლოგიურ გიგანტს ბაზარზე (და არამხოლოდ) დიდი პრობლემები შეუქმნას. აშშ-ის გამოძიების ფედერალური ბიუროს (FBI) წარმომადგენლები Huawei-ს თანამშრომლებს სახლებში აკითხავენ და მათგან კომპანიის შესახებ ინფორმაციის გაცემას უკანონო გზით ითხოვენ – ამბობენ Huawei-ში.
შეგახსენებთ, რომ ჩინური ტექნოლოგიური გიგანტი ჰუავეი ბოლო პერიოდში არაერთმა დასავლურმა სახელმწიფომ დაადანაშაულა ჩინეთის მთავრობასთან თანამშრომლობაში. როგორც სხვადასხვა საგამოძიებო სტრუქტურები ვარაუდობენ, ჰუავეი მომხმარებლის მონაცემებს უნებართვოდ, ჯაშუშური მიზნებისთვის აწვდის ჩინეთის მთავრობას.
