ილონ მასკმა Cybertruck წარადგინა
ტესლას პირველი ელექტრო პიკაპი, Cybertruck ილონ მასკმა 22 ნოემბერს წარადგინა. მანქანის საწყისი ფასი $39 900 იქნება. მასკმა პრეზენტაციაზე დამსწრე საზოგადოებას აჩვენა, თუ რამდენად გამძლე შეიძლება იყოს პიკაპი. მაგალითად, კომპანიის მთავარმა დიზაინერმა, ფრანც ფონ ჰოლცჰაუსენმა პიკაპის კარს ურო ჩაარტყა, შედეგად კი, პიკაპს არაფერი დაუშავდა. მასკის თქმით, მოდელი 2021 წლის მეორე ნახევარში გამოვა.
საახალწლო სარეკლამო ვიდეო Apple-სგან
Holiday — The Surprise კომპანია Apple-ის უახლესი საახალწლო რეკლამაა. რეკლამაში ჩანს, თუ როგორ მოუწვეს შვილიშვილებმა არაჩვეულებრივი საახალწლო საჩუქარი ბაბუას და როგორ შეიძლება საჩუქარი ის გველოდეს, სადაც ყველაზე ნაკლებად ველით. Apple-მა 3 წუთში ჩაატია ყველა ის საახალწლო, სიყვარულით სავსე ემოცია, რომელსაც წინასაახალწლო პერიოდის დროს, ახლობლებთან გატარებული დროის და ოჯახური შეკრებების დროს განვიცდით. ვიდეო:
ახალი ქართული სტიკერების კოლექცია Viber-ში
მომხმარებლებს საშუალება აქვთ, ჩამოტვირთონ ახალი, ქართული სტიკერები ვაიბერში, რადგან „ვაიბერის“ Sticker Market-ს ქართული კოლექცია შეემატა. „კომპანია „სილქნეტი“, მომხმარებლებს, ვაიბერის ქომუნითის სახით, ასევე, სთავაზობს დამატებით საკომუნიკაციო არხს, სადაც მათ საშუალება ექნებათ, თვალი ადევნონ კომპანიის სიახლეებს, აქციებს და სხვადასხვა შეთავაზებას. ჩამოტვირთე და გაიფერადე კომუნიკაცია!“. სტიკერების კოლექციის გადმოწერა სრულიად უფასოდ არის შესაძლებელი. კოლექციაზე „სილქნეტის“ მარკეტინგის გუნდი მუშაობდა.
Orba – წრიული ინსტრუმენტი მუსიკის მოყვარულთათვის
Artiphon სტარტაპია, რომელმაც სულ ახლახანს ახალი კამპანია წამოიწყო. კამპანია ინსტრუმენტ Orba-ს ეხება. Orba წრიული ინსტრუმენტია, რომელზე დაკვრაც ცალი, ან ორივე ხელით შეგიძლიათ. მოწყობილობის ზედაპირი 8 ნაწილადაა დაყოფილი და რეაგირებს შეხებაზე. Artiphon პირველი Orba-ს გაყიდვას 2020 წლის აპრილიდან გეგმავს. ინსტრუმენტის ფასი სავარაუდოდ, 99 დოლარიდან დაიწყება.
MediaTek Dimensity 1000 5G
კომპანია MediaTek-მა წარმოადგინა მობილური პლატფორმების ხაზი Dimensity მე-5 თაობის ქსელების მხარდაჭერით. ერთკრისტალიანი სისტემა Dimensity 1000 გახდება Qualcom Snapdragon და სხვა ფლაგმანური ტექნოლოგიების ღირსეული ალტერნატივა. გარდა იმისა, რომ ჩიპსეტს აქვს მაღალი წარმადობის ARM ბირთვები, სიახლეში გათვალისწინებულია ორი მე-5 თაობის სიმ-ბარათის მხარდაჭერა და სხვა უკაბელო ინტერფეისების შტამბეჭდავი მხარდაჭერა. 7 ნანომეტრიანი ტექნოლგიური პროცესით შექმნილია ოთხი ARM Cortex-A77 ბირთვის […]