Facebook-ის მიერ გაუქმებული პრო-სახელისუფლებო და პრო-რუსული გვერდები
2 დღის წინ Facebook-მა საქართველოს ხელისუფლებასთან დაკავშირებული ასობით გვერდი და ჯგუფი გააუქმა. გავრცელებულ განცხადებაში Facebook წერს, რომ მიუხედავად იმისა, რომ ეს გვერდები საკუთარ თავს სხვადასხვა გზით ნიღბავდნენ, სოციალური ქსელის მიერ ჩატარებული გამოძიების მიხედვით, საქართველოს ხელისუფლებასთან არიან დაკავშირებულები. განცხადებიდან ვიგებთ, რომ $316 000-ია დახარჯული Facebook-სა და Instagram-ზე სხვადასხვა სახის რეკლამირებისთვის.
Motorola-მ დასაკეცი სმარტფონის გამოშვება გადადო
გამოცემა The Verge წერს, რომ ბრენდმა Motorola დასაკეცი სმარტფონის გამოშვება, დიდი მოთხოვნიდან გამომდინარე, გადადო. თვენახევრის წინ, Motorola-ს მიერ გაკეთებული ოფიციალური განცხადების მიხედვით, კომპანიას ლეგენდარული Motorola RAZR-ის რებრენდინგის სურვილი ჰქონდა. The Wall Street Journal-ის თქმით, ტელეფონი გაყიდვაში თებერვალში უნდა ჩაშვებულიყო. Motorola RAZR-ის სულ პირველადი ვერსია ძალიან წარმატებული და პოპულარული აღმოჩნდა. წლების წინაც იყო მისი ახლებური ვერსიის […]
Huawei დასაკეც სმარტფონს 2020 წელს გამოუშვებს
Huawei დასაკეც სმარტფონ Huawei Mate Xs-ს უშვებს, რომელსაც 2020 წლის 24-27 თებერვალს, ბარსელონაში, Mobile World Congress–ზე წარადგენს. Mashable-ს ინფორმაციით, მომდევნო თაობის The Mate Xs, ევროპაში, 2020 წლის პირველ მეოთხედში გაიყიდება. ამ ეტაპზე სხვა დეტალები ახალ Huawei Mate Xs-სთან დაკავშირებით, ჯერჯერობით, უცნობია.
3D პრინტერით აშენებული ყველაზე დიდი შენობა
კომპანია Apis Cor-მა დუბაიში ორსართულიანი შენობა აასრულა. სახლის სიმაღლე 9,5 მეტრია, საერთო ფართობი კი 640 კვადრატული მეტრი. ეს 3D პრინტერით დამზადებული ყველაზე დიდი ნაგებობაა მსოფლიოში. კომპანია Apis Cor-ს მშენებლობისათვის სამი კვირა დასჭირდა. როგორც კომპანიის წარმომადგენლები აცხადებენ, 3D სამშენებლო ტექნოლოგია განვითარების საწყის ეტაპზეა, შესაბამისად, აღნიშნული მშენებლობა კომპანიისთვის კარგი შანსია, რომ სამომავლოდ დიდი გამოცდილება შეიძინოს.