ანტარქტიდაზე რეკორდულად მაღალი ტემპერატურა დაფიქსირდა

დედამიწის ყველაზე ცივსა და ქარიან კონტინენტზე, ანტარქტიდაზე, გასულ კვირას, ტემპერატურის რეკორდულად მაღალი მაჩვენებელი +18.2 გრადუსი დაფიქსირდა. ანტარქტიდის კონტინენზე დაკვირვებას არგენტინის მეტეოროლოგიური სადგური 1961 წლიდან აწარმოებს, ამ დრომდე ყველაზე მაღალი მაჩვენებელი 2015 წლის 24 მარტს, +17.5 გრადუსი ფიქსირდებოდა.

მსოფლიოს მეტეოროლოგიური ორგანიზაციის წევრები აცხადებენ, რომ მონაცემებს ამინდისა და კლიმატის არქივში გადაამოწმებენ, თუმცა იმავდროულად ვარაუდობენ, რომ საქმე სწორედ რეკოდრდულ მაჩვენებელთან გვაქვს.