12 მარტიდან 15 მარტის ჩათვლით, ბაკურიანში გაიმართება ინოვაციური სტარტაპების ბანაკი სტუდენტებისთვის
12 მარტიდან 15 მარტის ჩათვლით, ბაკურიანში გაიმართება ინოვაციური სტარტაპების ბანაკი სტუდენტებისთვის. ბანაკის მთავარი სალექციო თემა იქნება ბიოტექნოლოგიები და ბიოინჟინერია.სტუდენტები ასევე შეისწავლიან მეწარმეობისა და სტარტაპის შექმნის საკითხებს. ადგილობრივი და უცხოელი გამოცდილი მენტორების დახმარებით სტუდენტები გუნდურად იმუშავებენ ინოვაციური ბიოტექნოლოგიური იდეების შექმნაზე. პროექტს ახორციელებს ილიას სახელმწიფო უნივერსიტეტი პარტნიორ ორგანიზაციებთან ერთად: ჯეოლაბი, ინოვაციური განათლების ფონდი და ედისონი.
ჩინეთი კორონავირუსის შესახებ პოსტებს აცენზურებს – მოსახლეობის პასუხი
წლებია, ჩინეთში ცენზურა მოქმედებს, ამიტომ მოქალაქეები ცდილობენ, ყველა ის პოსტი გადაარჩინონ, რომელიც ცენზურის გამო იშლება. ჩინეთში Youtube, Facebook და Twitter დაბლოკილია, თუმცა ცენზურისთვის გვერდის ავლა მაინც შესაძლებელია. ახალგაზრდები GitHub-ს, პროგრამისტებისათვის განკუთვნილ პლატფორმას, დაცენზურებული პოსტების არქივის შესაქმნელად იყენებენ. შეიძლება ითქვას, რომ ბრძოლა კორონავირუსთან – გადარჩენისათვის და ბრძოლა ხალხსა და ცენზორებს შორის.
Facebook-ი კორონავირუსის შესახებ ცრუ ინფორმაციებს დაბლოკავს
Facebook-მა განაცხადა, რომ კორონავირუსთან დაკავშირებულ ცრუ რეკლამებს დაბლოკავს. სოციალური ქსელის თქმით, წაიშლება ყველა ის რეკლამა, რომელიც ქმნის აზრს, რომ თითქოს აირწინაღები, პირბადეები თუ სხვა ჰიგიენური ნივთები თავდება და მათი გამოწერა სასწრაფოა. რეკლამების დაბლოკვა ამ კვირაში დაიწყო. თუმცა, ფეისბუქს შეცდომაში შემყვანი რეკლამები აქამდეც დაუბლოკავს.
iPhone-მა ახალ რეკლამაში ლედი გაგა გადაიღო
Apple-მა რამდენიმე დღის წინ iphone-ით გადაღებული რეკლამა გამოუშვა. “გადაღებულია iPhone-ით” ამ გზავნილს iPhone-ის რეკლამებში იმისთვის იყენებენ, რომ სმარტფონის პოფესიონალურ დატვირთვას გაუსვან ხაზი. ამჯერად, ბრენდმა iPhone 11 Pro-თი გადაღებული რეკლამა გამოუშვა, ლედი გაგას მონაწილეობით. ლედი გაგა კლიპში ახალ სიმღერა “Stupid Love”-ს ასრულებს და ის უცხოპლანეტელის სტილშია გამოწყობილი.