Apple გეგმავდა iPhone-ის 90 მილიონი ეგზემპლარის გამოშვებას 2021 წლის ბოლო სამი თვის განმავლობაში, წერს Bloomberg წყაროებზე დაყრდნობით.
გამოცემის თანახმად, Broadcom და Texas Instruments (TI) ვერ უმკლავდებიან ჩიპების მიწოდებას. Apple ასევე განიცდის სხვა მომწოდებლების კომპონენტების დეფიციტს და გააფრთხილა მწარმოებელი პარტნიორები, რომ შეამცირონ მოცულობა 10 მილიონით.
Apple არის ჩიპების ერთ-ერთი უდიდესი მყიდველი მსოფლიოში, მაგრამ ძლიერი მსყიდველუნარიანობის მიუხედავად, კომპანია ყველასათან ერთად ებრძვის მიწოდების დეფიციტს, წერს Bloomberg. Apple-მა და TI-მ კომენტარის გაკეთებაზე უარი განაცხადეს. Broadcom-ს არ უპასუხია მოთხოვნაზე.
2021 წლის სექტემბერში, Apple-მა წარმოადგინა iPad mini, iPhone 13-ის ხაზი და ახალი Apple Watch.
