ჰაკერულმა ჯგუფმა The Odyssey Team გამოაცხადა Cheyote iOS jailbreak ინსტრუმენტის მომზადება.
ის პირველად იმუშავებს iOS 15-ზე მომუშავე მოწყობილობებზე. ერთ-ერთმა შემქმნელმა Reddit-ზე განაცხადა, რომ შექმნის პროცესი მიმდინარეობს, პროგრამა ხელმისაწვდომი იქნება მომხმარებლებისთვის უახლოეს მომავალში.
დეველოპერების თქმით, Cheyote ინსტრუმენტი თავდაპირველად იმუშავებს მხოლოდ iOS 15-დან iOS 15.1.1-მდე, რომელიც გამოვიდა გასული წლის ნოემბერში. გუნდი გააგრძელებს მუშაობას iOS 15.4.1-მდე ვერსიების მხარდაჭერაზე, მაგრამ ამას გარკვეული დრო დასჭირდება, რადგან Apple-მა jailbreak-ის პროცესი ბევრად გაართულა თავისი მობილური ოპერაციული სისტემის უახლეს ვერსიებში.
შეგახსენებთ, რომ Apple ეწინააღმდეგება jailbreak-ს, რადგან ის ართმევს მოწყობილობას უსაფრთხოებას.
