თვითერის თანამშრომლებზე დაყრდნობით, ვრცელდება ინფორმაცია კომპანიიდან მასობრივი გათავისუფლების შესახებ. ისინი პირად თვითერის გვერდებზე აქვეყნებენ, რომ მათ სამუშაო ელფოსტაზე და Slack-ზე წვდომა დაკარგეს.
Looks like I’m unemployed y’all. Just got remotely logged out of my work laptop and removed from Slack. #OneTeam forever. Loved you all so much.
— Simon Balmain (@SBkcrn) November 4, 2022
So sad it had to end this way 💔
Has it already started? Happy layoff eve! pic.twitter.com/0AcaQjGJvm
— Rumman Chowdhury (@ruchowdh) November 4, 2022
Probably my last Twitter Slack message. The ML Ethics, Transparency, & Accountability team was one of a kind. Forever grateful that @ruchowdh took a chance on me and I got to be a small part of it. 🙏💙 #lovewhereyouworked pic.twitter.com/L6GtpGa5Hv
— Joan Deitchman (@JoanDeitchman) November 4, 2022
Twitter-ის თანამშრომლებისთვის გაგზავნილი შიდა მემორანდუმის მიხედვით, ილონ მასკის ხელმძღვანელობით ახალი მენეჯმენტი 4 ნოემბრის დილიდან თანამშრომლების გათავისუფლებას დაიწყებს.
ამის შესახებ ჭორები ჯერ კიდევ მასკის კომპანიაში მოსვლამდე გავრცელდა, რომლის მიხედვითაც, 7500 თანამშრომლის ნახევარი სამუშაოს დაკარგავდა.
3 ნოემბერს საღამოს, თანამშრომლებმა ელექტრონული წერილი მიიღეს, რომ მათი დასაქმების სტატუსს მეორე დილის 9 საათზე გაიგებდნენ. თითოეული მეილი გაიგზავნება სათაურით „თქვენი როლი Twitter-ში“. თუ თანამშრომელი ინარჩუნებს სამუშაოს, მას ეცნობება სამუშაო ელექტრონული ფოსტით – ხოლო გათავისუფლების შესახებ კი, პირად მისამართზე შეატყობინებენ.
„თითოეული თანამშრომლის უსაფრთხოების უზრუნველსაყოფად, ასევე Twitter-ის სისტემებისა და მომხმარებელთა მონაცემების უზრუნველსაყოფად, ჩვენი ოფისები დროებით დაიხურება. თუ ოფისში ხართ ან ოფისისკენ მიდიხართ, გთხოვთ დაბრუნდით სახლში.“ – ნათქვამია შეტყობინებაში.
აღსანიშნავია, რომ კომპანიის ახალი მფლობელის, ილონ მასკის გუნდმა უკვე სცადა Twitter-ის თანამშრომლების პროდუქტიულობის შეფასება. მასკმა Tesla-ს ინჟინრები მოიყვანა Twitter-ის კოდის შესამოწმებლად.
მიუხედავად ამისა, გაურკვეველია, კომპანიის რომელ განყოფილებებზე იქნება გავლენა. კომპანია Tesla-ში მასკმა რამდენიმე წლის წინ მთელი PR გუნდი გაუშვა. ამის საფუძვლეზე, სავარაუდოა, რომ ის Twitter-ის პიარ გუნდსაც მოიშორებს.
შეგახსენებთ, რომ ილონ მასკმა პირველივე სამუშაო დღეს გაათვისუფლა ოთხი ძირითადი აღმასრულებელი დირექტორი: აღმასრულებელი დირექტორი პარაგ აგრავალი, ფინანსური ფინანსური დირექტორი ნედ სეგალი, გენერალური მრჩეველი შონ ეჯეტი და იურიდიული პოლიტიკის, ნდობისა და უსაფრთხოების დეპარტამენტის ხელმძღვანელი ვიჯაია გადე. ხოლო, მომდევნო დღეს Twitter-ის მთავარი სამომხმარებლო ოფიცერი სარა პერსონეტი და ხალხისა და მრავალფეროვნების უფროსი დალანა ბრენდი თანამდებობიდან გადადგნენ მომდევნო დღეს.
