DataFest Tbilisi 2022-ის ფარგლებში, DataFest Tbilisi და Alliance of Democracies Foundation-ის ერთობლივი ჰაკათონი DemTech ჩატარდება.
ჰაკათონში მონაწილეობის მიღება შეუძლიათ საქართველოდან, სომხეთიდან, მოლდოვადან და უკრაინიდან, იმ ადამიანებს, რომლებსაც ტექნოლოგიების, ბიზნესის, სტარტაპების, პოლიტიკისა და დემოკრატიის აქტივიზმის სფეროში გამოცდილება აქვთ მიღებული. მათ შესაძლებლობა ექნებათ, მოიფიქრონ იდეები, თუ როგორ გამოიყენონ ტექნოლოგია რეგიონში დემოკრატიის გასაძლიერებლად. იმუშავებენ ისეთ თემებზე, როგორიც არის ტექნოლოგიური გზების ძიება, რაც უკრაინას გამარჯვებასა და აღდგენაში დაეხმარება. და ასევე, მოიძიონ ინოვაციური ტექნოლოგიური გზები, რომელიც რეგიონს დემოკრატიის გაძლიერებასა და მშვიდობის დამყარებაში შეუწყობს ხელს. ჰაკათონს ForSet-ისა და Democracy Alliance Foundation-ის წარმომადგენლები წარუძღვებიან. მონაწილეებს საშუალება ექნებათ, DataFest Tbilisi-ის ფესტივალზე მსოფლიო დონის სპიკერებს მოუსმინონ და ვორკშოპებს დაესწრონ.
გამარჯვებული გუნდი Copenhagen Democracy Summit-ზე მიიღებს მონაწილეობას, რომელიც 2023 წლის 15-16 მაისს ჩატარდება. მათ კოპენჰაგენში ფულადი პრიზის მოპოვების შანსი ექნებათ.
DemTech ჰაკათონის მონაწილეების შერჩევა 10 ნოემბრამდე გაგრძელდება.
