Apple იწყებს სადენიანი EarPods-ის მასობრივ წარმოებას USB-C-ით

ინსაიდერი ShrimpApplePro იტყობინება, რომ Apple-მა უკვე დაიწყო აქტიურად მზადება iPhone 15-ის საშემოდგომო გამოსვლისთვის.

კომპანიამ უკვე დაიწყო სადენიანი EarPods-ის მასობრივი წარმოება USB-C კონექტორით. ის გამოყენებული იქნება iPhone-თან დასაკავშირებლად.

ამჟამად EarPods ხელმისაწვდომია მხოლოდ ორი ვერსიით: 3.5 მმ კონექტორით და Lightning. ორივე ვერსია 19 დოლარი ღირს.

Apple სავარაუდოდ წარადგენს iPhone 15-ს და iPhone 15 Pro-ს USB-C პორტით ამ შემოდგომაზე. შემდეგ, დიდი ალბათობით, ყურსასმენებს გამოუშვებენ.