უკონტაქტო გადახდების დაჩქარების მიზნით NFC-ის დიაპაზონის 6-ჯერ გაზრდა იგეგმება. ამის შესახებ NFC-ის შემმუშავებელი ორგანიზაცია NFC Forum იტყობინება. NFC ფორუმში შედის Apple, Google, Huawei, Qualcomm, Nokia და Sony.
ამჟამად NFC მუშაობს 5 მმ-მდე მანძილზე. ტექნოლოგიის შემქმნელებს სურთ 2-5 წლის განმავლობაში დიაპაზონის 4-6-ჯერ გაფართოება.
ეს გაამარტივებს უკონტაქტო გადახდებს სმარტფონის მომხმარებლების მიერ მოწყობილობის ტერმინალთან შეხების აუცილებლობის აღმოფხვრის გზით.
მომხმარებლებს არ სჭირდებათ ტერმინალზე NFC ანტენის მოძიება, რაც თავის მხრივ მნიშვნელოვნად იმოქმედებს გადახდების სიჩქარეზე.
გარდა ამისა, NFC ფორუმს სურს NFC-ის საშუალებით უკაბელო დატენვის სიმძლავრე 1W-დან 3W-მდე გაზარდოს. ამის წყალობით მომხმარებლებს NFC-ის საშუალებით ექნებათ აქსესუარების დამუხტვა.
