Apple-მა განაცხადა iMac-ის მონობლოკის განახლების შესახებ. ახლა მოწყობილობა მუშაობს M4 პროცესორზე და მხარს უჭერს Apple Intelligence-ის ნეირონული ქსელის ფუნქციებს. კომპანიამ ასევე წარმოადგინა ფირმის კლავიატურა, მაუსი და თრექპედი USB-C პორტით. ახალი iMac-ის საბაზისო ვერსია 1300 დოლარი ეღირება.
ახალი ჩიპის წყალობით, მონობლოკი 1.7-ჯერ უფრო სწრაფია, ვიდრე M1-ზე მომუშავე iMac. მოწყობილობა ასევე გახდა უფრო მწარმოებლური გრაფიკასთან და ნეირონულ ქსელებთან მუშაობისას. Apple აცხადებს, რომ M4-ის Neural Engine 3-ჯერ უფრო სწრაფია ვიდრე M1, რაც iMac-ს “საუკეთესო მონობლოკს ხდის ნეირონული ქსელებისთვის”.
უკანა მხარეს არის ოთხი USB-C პორტი Thunderbolt 4-ის მხარდაჭერით. უსადენო ინტერფეისებიდან არის Bluetooth 5.3 და Wi-Fi 6E. მონობლოკები ხელმისაწვდომი იქნება ახალ ფერებში: მეწამული, ლურჯი, ნარინჯისფერი, ვარდისფერი, მწვანე, ყვითელი და ვერცხლისფერი.
iMac-თან ერთად კომპანიამ განაახლა ფირმის კლავიატურა, მაუსი და თრექპედი. დასატენად ახლა გამოიყენება USB-C პორტი Lightning-ის ნაცვლად. თუმცა Magic Mouse-ის პორტი კვლავ ქვემოთ მდებარეობს, ამიტომ შეუძლებელია მისი ერთდროულად დატენვა და გამოყენება.
iMac-ის წინასწარი შეკვეთა უკვე შესაძლებელია Apple-ის ონლაინ მაღაზიაში, ხოლო გაყიდვები დაიწყება 2024 წლის 8 ნოემბერს. ეკონომიური ვერსია 8-ბირთვიანი CPU-თი, 8-ბირთვიანი GPU-თი, 16 GB ოპერატიული მეხსიერებით და 256 GB მუდმივი მეხსიერებით 1300 დოლარი ეღირება. 10-ბირთვიანი პროცესორის, 24 GB ოპერატიული მეხსიერების და 512 GB მუდმივი მეხსიერების მქონე ვერსია 1900 დოლარი ღირს.
