2025 წლის 6 მარტს დონალდ ტრამპმა ხელი მოაწერა ბრძანებას ბიტკოინის კრიპტოვალუტის შეერთებული შტატების ეროვნულ კრიპტოვალუტის რეზერვში შეტანის შესახებ. აშშ-ს ხელისუფლების სარეზერვო ფონდის შევსებას ქვეყნის სამართალდამცავი ორგანოების მიერ სისხლის სამართლისა და სამოქალაქო საქმეების წარმოებისას კონფისკირებული კრიპტოვალუტებით გეგმავენ.
„რეზერვი კაპიტალიზდება ფედერალური მთავრობის კუთვნილი ბიტკოინებით, რომლებიც სისხლის სამართლის ან სამოქალაქო პროცესების ფარგლებში იქნა კონფისკირებული. გადასახადის გადამხდელებს ეს არაფერი დაუჯდებათ. ვარაუდობენ, რომ აშშ-ს მთავრობას დაახლოებით 200 000 ბიტკოინი აქვს, თუმცა სრული აუდიტი არასდროს ჩატარებულა. აღმასრულებელ დირექტორს ევალება ფედერალური მთავრობის ციფრული აქტივების სრული აღრიცხვა. შეერთებული შტატები არ გაყიდის რეზერვში შეტანილ ბიტკოინებს. ისინი შეინახება როგორც დანაზოგის საშუალება. რეზერვი კრიპტოვალუტისთვის ციფრული ფორტ-ნოქსს ჰგავს, რომელსაც ხშირად „ციფრულ ოქროს“ უწოდებენ“, – განმარტა აშშ-ს კრიპტო-მეფემ, დევიდ საქსმა.
2025 წლის 2 მარტს აშშ-ს პრეზიდენტმა დონალდ ტრამპმა ხელი მოაწერა ბრძანებას სამუშაო ჯგუფის შექმნის შესახებ, რომლის მთავარი ამოცანა აშშ-ს ეროვნული კრიპტოვალუტის რეზერვის ფორმირება გახდება. „აშშ-ს კრიპტოვალუტის რეზერვი გააძლიერებს ამ კრიტიკულად მნიშვნელოვან სექტორს ბაიდენის ადმინისტრაციის მხრიდან კორუფციული თავდასხმების მრავალი წლის შემდეგ“, – დაწერა ტრამპმა Truth Social-ში და დასძინა, რომ ქვეყნის „მსოფლიოს კრიპტოსტოლად“ ქცევას აპირებს.
