ჩჟან იმინი, ByteDance-ის დამფუძნებელი, Bloomberg-ის მილიარდერების ინდექსის მიხედვით, ჩინეთის უმდიდრესი ადამიანი გახდა. მისი ქონება 57,5 მილიარდ დოლარად არის შეფასებული.
ჩჟან იმინმა კარიერა ტურისტული სერვისების საძიებო სისტემაში Kuxun-ში დეველოპერად დაიწყო. 2009 წელს მან გახსნა თავისი პირველი ბიზნესი – უძრავი ქონების საძიებო საიტი სახელწოდებით 99fang.com, რომელიც სამი წლის შემდეგ დაიხურა. 2012 წელს ჩჟან იმინმა ByteDance დააარსა. ის გეგმავდა ხელოვნური ინტელექტის ბაზაზე პლატფორმის შექმნას, რომელიც განსხვავდებოდა ჩინეთში მოქმედი Baidu-სგან.
2016 წელს ByteDance-მა გამოუშვა მოკლე ვიდეოების აპლიკაცია TikTok, რომელმაც მყისიერად მოიპოვა უზარმაზარი პოპულარობა. 2018 წელს ByteDance-მა შეიძინა Musical.ly პლატფორმა და ის TikTok-ში ინტეგრირება მოახდინა. ამჟამად TikTok-ს მილიარდზე მეტი მომხმარებელი ჰყავს.
Bloomberg-ის მონაცემებით, ჩჟან იმინმა თავისი ქონება ექსკლუზიურად ByteDance-ის აქციებით გამოიმუშავა (მას კომპანიის აქციების 21% ეკუთვნის). 2021 წელს მან კომპანიის გენერალური დირექტორის პოსტი დატოვა, რამდენიმე თვის შემდეგ კი თავმჯდომარის პოსტიც.
გამოცემა აღნიშნავს, რომ მისი ბევრი კოლეგა-მილიარდერი, მათ შორის Alibaba-დან ჯეკ მა და PDD Holdings-ის დამფუძნებელი კოლინ ჰუანი, ასევე წავიდნენ აქტიური თანამდებობებიდან საკუთარ საწარმოებში.
