iPhone 17
2025 წლის 9 სექტემბერს Apple-მა წარმოადგინა iPhone 17 6.3-ინჩიანი OLED დისპლეით, შემცირებული ჩარჩოებით და 120 ჰც განახლების სიხშირის მხარდაჭერით. Super Retina XDR-ის მაქსიმალური სიკაშკაშე გაჯეტში 3000 ნიტამდე გაიზარდა.
ახალი სმარტფონის ეკრანი დაცულია Ceramic Shield ტექნოლოგიის მეორე თაობით, რომელიც ნაკაწრების მიმართ 3-ჯერ უკეთეს მდგრადობას უზრუნველყოფს. ასევე, მასში გამოყენებულია Apple-ის მიერ შემუშავებული ახალი საფარი, რომელიც Ceramic Shield-თან ატომურ დონეზეა დაკავშირებული.
iPhone 17-ის მუშაობაზე პასუხისმგებელია ახალი 3 ნმ A19 პროცესორი (16-ბირთვიანი Neural Engine-ით), რომელიც აღჭურვილია 6 გამოთვლითი და 5 გრაფიკული ბირთვით. ეს ჩიპი 20%-ით უფრო მძლავრია, ვიდრე A18.
iPhone 17-ის ფოტოგრაფიულ შესაძლებლობებზე პასუხისმგებელია ახალი 48 მეგაპიქსელიანი ულტრაფართოკუთხიანი მოდული, ასევე 12 მეგაპიქსელიანი 2x ტელეობიექტივი. სმარტფონში ასევე არის Center Stage-ის მხარდაჭერა წინა კამერისთვის, ისევე როგორც iPad-ში. ასევე გაიზარდა სენსორი და დაემატა სცენის ამოცნობა. iPhone 17-ზე ჰორიზონტალური ფოტოების გადაღება შესაძლებელია სმარტფონის ვერტიკალურად დაჭერისას.
Apple-ის მტკიცებით, iPhone 17-ის ბატარეა კიდევ უფრო დიდხანს მუშაობს – iPhone 16-თან შედარებით ვიდეოს ყურებისას დამატებით 8 საათი. დატენვაც უფრო მოსახერხებელი გახდა: 50%-მდე 20 წუთში. iPhone 17-ის მინიმალური მეხსიერება ახლა 256 გბ-ია.
გაზიარება:
დაკავშირებული პოსტები
Apple გეგმავს Private Cloud Compute-ის არქიტექტურის განახლებას უახლესი M5 ჩიპებით
Samsung-ის One UI 8-ის გამოშვების განრიგი, როდის მიიღებს თქვენი Galaxy სმარტფონი Android 16-ს
Apple განიხილავს Mistral-ისა და Perplexity-ის შეძენას
Apple-მა iPhone 7 Plus და iPhone 8 სმარტფონები მოძველებული მოწყობილობების სიაში დაამატა
Apple-მა წარმოადგინა iPad Air M3 ჩიპით და საბაზისო iPad A16 ჩიპით
