YouTube-ის სმარტ ტელევიზორების აპლიკაციაში გამოჩნდა 90-წამიანი სარეკლამო რგოლები, რომელთა გამოტოვებაც შეუძლებელია. როგორც Reddit-ის მომხმარებლები აღნიშნავენ, ეს პრაქტიკა ეწინააღმდეგება პლატფორმის მოქმედ წესებს.
YouTube-ის ოფიციალურ პოლიტიკაში მითითებულია, რომ ტელევიზორების აპლიკაციაში გამოუტოვებელი რეკლამა 30 წამზე მეტხანს არ უნდა გრძელდებოდეს, ხოლო მობილურ მოწყობილობებზე ლიმიტი 15 წამია. ახალი 90-წამიანი რგოლები, რომელთა შესახებ კომპანიას ჯერჯერობით განცხადება არ გაუკეთებია, მისსავე წესებს არღვევს.
სულ ცოტა ხნის წინ, გასულ თვეში, YouTube-მა სმარტ ტელევიზორებზე 30 წამამდე ხანგრძლივობის გამოუტოვებელი რეკლამები გაუშვა. კორპორაციამ გამოუტოვებელი სარეკლამო რგოლების შესახებ ჯერ კიდევ 2023 წელს დააანონსა. გასული წლის ზაფხულში დაიწყო ამ ფუნქციის ტესტირება Smart TV-სა და Chromecast-ის მოწყობილობებზე. მანამდე ეს ფორმატი ყველა რეკლამის განმთავსებლისთვის ხელმისაწვდომი არ იყო.
მიმდინარე წლის თებერვლის შუა რიცხვებში მედია წერდა, რომ YouTube-მა იმ მომხმარებლებისთვის, რომლებიც რეკლამის ბლოკერებს იყენებენ, ვიდეოს კომენტარებისა და აღწერების გათიშვა დაიწყო. თვის ბოლოს კი YouTube-მა YouTube Premium Lite გამოწერას ფონურ რეჟიმში დაკვრისა და ვიდეოების ოფლაინ საყურებლად ჩამოტვირთვის ფუნქციები დაამატა.
