Nothing-ის ბრენდმა CMF-მა ახალი უსადენო დინამიკები გამოუშვა — პირველი ამ სერიაში — და ისინი ძალიან ჰგავს რძის კოლოფებს.
CMF Speaker S არის ერთდრაივერიანი დინამიკი 10W სიმძლავრით, ელემენტის 18-საათიანი ავტონომიით, Google Fast Pair-ითა და ორი დინამიკის ერთად დაკავშირების შესაძლებლობით სტერეო ან წვეულების (party) რეჟიმებისთვის.
ამასობაში, CMF Speaker M-ს აქვს იგივე ფუნქციები, თუმცა უფრო ფართო აკუსტიკური სცენისთვის აღჭურვილია 25W დაბალი სიხშირის (woofer) და 10W მაღალი სიხშირის (tweeter) დინამიკებით, ასევე IP68 მტვერ- და წყალგამძლეობით ღია სივრცეში უკეთ გამოსაყენებლად.
ორივეს აქვს NFC-ით დაკავშირების შესაძლებლობა და იმავე Nothing X აპლიკაციით იმართება, რომელიც Nothing-ის უსადენო ყურსასმენებისთვის გამოიყენება.
რაც შეეხება დიზაინს, ორივე დინამიკი ძალიან ჰგავს რძის კოლოფს. თითოეული ხელმისაწვდომია შავ/ნაცრისფერ, ნარინჯისფერ, თეთრ და ფირუზისფერ ფერებში და თითოეულს განსხვავებული დიზაინის მრავალფუნქციური მბრუნავი ღილაკი აქვს. ეს ღილაკი აკონტროლებს ხმას, დაკვრა/დაპაუზებასა და სხვა ფუნქციებს, რომელთა მორგებაც შესაძლებელია. უკანა მხარეს განთავსებულია ცალკე ღილაკები დაკავშირებისა (pairing) და Auracast-ისთვის.
CMF Speaker S-ის ფასი 59 დოლარიდან იწყება, ხოლო Speaker M-ის — 109 დოლარიდან. ორივე მოდელი უკვე გაყიდვაშია.
წყარო: 9to5Google — Ben Schoon
დავით მაჭახელიძე · 1 წთ საკითხავი
