Sony-მ Walkman-ის სამი პლეერი წარადგინა: ფლაგმანურ ვერსიას მოოქროვილი კორპუსი აქვს და თითქმის 6 ათასი დოლარი ღირს

Sony-მ განახლებული Walkman-ის პლეერების ხაზი დააანონსა: NW‑WM1ZM3, NW‑WM1AM3 და NW‑ZX900. სამივე მოდელი აღჭურვილია S‑Master HX გამაძლიერებლითა და საფირმო ერთბიტიანი აუდიოფორმატის, DSD-ის მხარდაჭერით. გარდა ამისა, სისტემა DSD Remastering Engine ახლა უკვე სტრიმინგ სერვისებთანაც მუშაობს.

ფლაგმანური მოდელის, NW‑WM1ZM3-ის კორპუსი დამზადებულია 99,9%-იანი სისუფთავის მოოქროვილი უჟანგბადო სპილენძისგან. ამასთანავე, გამაძლიერებელი ყურსასმენების ბალანსირებულ პორტთან Kimber Kable-ის გაყვანილობით არის დაკავშირებული. NW‑WM1AM3 და NW‑ZX900 მოდელებს ჰიბრიდული კორპუსი აქვთ: ძირითადი ნაწილი დამზადებულია ალუმინის შენადნობისგან, ხოლო უკანა მხარე — მოოქროვილი უჟანგბადო სპილენძისგან.

ორ უფროს მოდელში კომპანიის ინჟინრებმა კვების სისტემა გადაამუშავეს. ერთი პოლიმერული კონდენსატორის ნაცვლად ორი დააყენეს: თითო-თითო ციფრული და ანალოგური ბლოკებისთვის. ბალანსირებული გამომავალი LC-ფილტრი აღიჭურვა გაზრდილი კოჭით, რომელსაც ბრტყელი კვეთის სპილენძის სადენი აქვს. NW‑ZX900-ში კი დაამატეს შემცირებული ხმაურის მქონე LDO-სტაბილიზატორი და კვარცის გენერატორები.

S‑Master HX გამაძლიერებელი სამივე მოდელში აღიჭურვა ალგორითმით, რომელიც კვანტიზაციის ხმაურს ითვლის და ასწორებს. კომპანიაში აღნიშნავენ, რომ ამის წყალობით ხმის მკვეთრი ცვლილებების გადაცემა უფრო ზუსტი გახდა. DSD Remastering Engine სისტემა PCM-აუდიოს 11,2 მჰც სიხშირის DSD ნაკადად გარდაქმნის. ადრე ეს ფუნქცია მხოლოდ ლოკალურ მუსიკასთან მუშაობდა, ახლა კი სტრიმინგ სერვისებსაც უჭერს მხარს.

NW‑WM1ZM3 და NW‑WM1AM3 აღჭურვილია 5,5-დუიმიანი ეკრანებით, ხოლო NW‑ZX900 — 5-დუიმიანი ეკრანით. უფროსი მოდელების ავტონომიურობა 35 საათს შეადგენს, ხოლო ZX900-ის — 40 საათს. სამივე მოწყობილობა Android-ის მართვის ქვეშ მუშაობს. ფასები აშშ-ში შემდეგნაირია: