Logitech-მა ორრეჟიმიანი მაუსი წარადგინა

Logitech-მა წარადგინა მაუსის ახალი მოდელი Pebble Up, რომელსაც ორი რეჟიმის მხარდაჭერა აქვს: ბრტყელი და დახრილი. ამასთანავე, დახრილი რეჟიმი უზრუნველყოფს 35°-იან კუთხეს, რაც გამოყენების ერგონომიულობას ზრდის.

მაუსის ზომებია 105,8×59,6×30 მმ და ის 79 გრამს იწონის.

მაუსის სენსორის გარჩევადობა 4000 cpi-ს აღწევს, რაც მუშაობის მაღალ სიზუსტეს უზრუნველყოფს.

მოწყობილობა აღჭურვილია ჩუმი წკაპუნის მქონე ღილაკებით, ამიტომ ის შესაფერისია საოფისე სამუშაოსთვის.

Pebble Up-ს აქვს 2.4GHz და Bluetooth კავშირის მხარდაჭერა სამამდე მოწყობილობის დაკავშირების შესაძლებლობით.

შიგნით დამონტაჟებულია 290 mAh მოცულობის აკუმულატორი, რომელიც დატენვის გარეშე 90 დღემდე მუშაობას უზრუნველყოფს.

ივნისში Logitech-მა თავისი პირველი დასაკეცი კომპიუტერული მაუსი Mobi Fold წარადგინა. დაკეცილ მდგომარეობაში მოწყობილობა ზომებით უკაბელო ყურსასმენების ქეისს ჰგავს, მისი წონა კი სულ რაღაც 79 გრამს შეადგენს.

წყარო: Habr — maybe_elf