სპარკელი Irnero ირნერო TIP Summit Startup Competition-ის გამარჯვებულია – ამის შესახებ ინფორმაციას ბიზნეს აქსელერატორი სპარკი ავრცელებს. 21 ოქტომბერს Irnero აბუ-დაბიში, ინვესტორების წინაშე წარსდგება.
სპარკი თბილისის მერიის და ევროკავშირის ერთობლივი პროექტია. თბილისის ბიზნეს აქსელერატორი პროექტის „მერები ეკონომიკური ზრდისთვის“ ფარგლებში შეიქმნა და ბიზნესის განვითარების სპეციალურ უფასო პროგრამებს სთავაზობს იმ ბენეფიციარებს, რომლებსაც რეგისტრირებული საწარმოები აქვთ ან უკვე ფუნქციონირებენ თბილისში.
