Spotify დახურა ოფისი რუსეთში და წაშალა კონტენტი, რომელსაც Russia Today და Sputnik ავრცელებდა მის პლატფორმებზე. დამატებით მათ ასევე შეზღუდეს რუსეთის მთავრობასთან აფილირებული კონტენტის ძებნის შესაძლებლობა. Sputnik-ის კონტენტი მიუწვდომელია ევროკავშირში, აშშ-ში მაგრამ ჯერ-ჯერობით ხელმისაწვდომია რუსეთის მომხმარებლებისათვის. Spotify ამბობს, რომ მათ ათასობით სტატია შეამოწმეს ომის დაწყებიდან.
კომპანიის რუსული ოფისის დახურვა იმას ნიშნავს, რომ ისინი აღარ ექვემდებარებიან რუსულ კანონებს, რომელიც ავალდებულებს სოციალურ მედიას 500 000 მომმხმარებელზე ზევით ქონდეს ლოკალური ოფისი ქვეყანაში.
