Apple-მა შექმნა ვებგვერდი აშშ-ში, სადაც მომხმარებლებს შეუძლიათ შეუკვეთონ iPhone-ის სარემონტო ნაწილები და წაიკითხონ ინსტრუქციები ნაწილების გამოცვლის შესახებ.
მაღაზიაში იყიდება iPhone 12, 13 და SE აკუმულატორები, ეკრანები და კამერები. წლის ბოლომდე კომპანია Mac-ის ნაწილების გაყიდვის დაწყებას გეგმავს.
ნაწილები და ხელსაწყოები იგივეა, რაც გამოიყენება Apple-ის ავტორიზებული სერვისის პროვაიდერების მიერ. ფასის შემცირება შესაძლებელია ძველი ნაწილის Apple-ში დაბრუნებით.
სათადარიგო ნაწილების ღირებულება განსხვავდება მოწყობილობისა და ხელსაწყოების ნაკრების მიხედვით. მაგალითად, iPhone 13 ბატარეის გამოცვლის ნაკრები ღირს $70,99. სერვის ცენტრში ბატარეის გამოცვლა 69 დოლარი ეღირება.
