წინა კვირას Telegram-მა მიიღო განახლება. ახალ ვერსიაში დაემატა ხმოვანი შეტყობინების გაგზავნის და ვიდეო ფაილების გაცვლის შესაძლებლობა. თუმცა, როგორც ცნობილი გახდა, შემქმნელებმა მეტი სიახლეც შემოგვთავაზეს. მომხმარებლების მეტი კომფორტისათვის, 3.18.1 ვერსიაში დაემატა მოკლე ვიდეო გზავნილების გაგზავნის შესაძლებლობა. ამის შესახებ იუწყება Planet Mobile. საწყისი ეტაპისთვის, ახალი ფუნქცია მხოლოდ ანდროიდის მომხმარებლებისათვისაა ხელმისაწვდომი.
ვიდეო გზავნილის ფუნქციის საქტივაციისთვის საჭიროა დავაყენოთ განახლება აპლიკაციის უახლეს 3.18.1 ვერსიამდე. შემდეგ დავაჭიროთ მიკროფონის ხატულას ვიდეორეჟიმზე გადასართავად. შესაბამისი ნიშნის გამოჩენის შემდეგ შეგვიძლია თითის აუღებლად დავაჭიროთ ღილაკს და ჩავიწეროთ ვიდეო.
