გარდა ახალი მოწყობილობებისა კომპანიამ წარმოადგინა მეორე თაობის ენობრივი მოდელები, Adobe-თან თანამშრომლობა და მუსიკის გენერაციის ინსტრუმენტი.
PaLM 2, Bard ბოტზე გაფართოებული წვდომა, ახალი ხელოვნური ინტელექტის ინსტრუმენტები ძიებასა და საოფისე სერვისებისთვის.
Google-მა წარმოადგინა ახალი თაობის PaLM 2, რომელიც 100 ენის კორპუსზე ამეცადინეს და იყენებს 540 მილიარდ პარამეტრს. ახალ ვერსიაში მოდელები ასევე გაუმჯობესებულია პროგრამირების ენების მხარდაჭერით, რომელთა შორისაა JavaScript, Prolog, Verilog და Fortran.
კომპანიამ განაცხადა, რომ Bard-ზე წვდომა საჯარო გახდა 180 ქვეყნიდან. უახლოეს მომავალში დაემატება კორეული და იაპონური ენებიც. შემდგომში მას 40 ყველაზე გავრცელებული ენის მხარდაჭერა დაემატება.
კომპანია აპირებს ბარდი მულტიმოდალური გახადოს, რითაც ის შეძლებს არა მხოლოდ ტექსტის სახით პასუხს. საუბარია სურათებისა და ცხრილების სახით პასუხზე. სურათების შექმნისთვის ისინი Adobe Firefly სისტემასთან თანამშრომლობენ.
Google Workspace საოფისე აპლიკაციებში გამოჩნდება ხელოვნური ინტელექტის ინსტრუმენტები. მომხმარებლები შეძლებენ გამზადებული ცხრილების, პრეზენტაციების გაფორმებას ტექსტური მოთხოვნის საფუძველზე. დოკუმენტებში დაემატება ახალი ინსტრუმენტი Sidekick, რომელიც შემოგთავაზებთ ვარიანტებს ტექსტის რედაქტირებისთვის და გიკარნახებთ კონტექსტურად.
გარდა ამისა კომპანიამ აჩვენა MusicLM მოდელი, რომელიც მუსიკას ქმნის ტექსტური მოთხოვნის მიხედვით. ის ხელმისაწვდომია AI Test Kitchen აპლიკაციაში მობილურ მოწყობილობებზე.
კონფერენციის მსვლელობისას Google-ის საძიებო სისტემის ხელმძღვანელმა ლიზ რიდმა სისტემის ახალ ფუნქციონალზე ისაუბრა. ძიებაში ხელოვნური ინტელექტის მიერ მოწოდებული ინფორმაცია ჩვეულებრივი შედეგების ზევით იქნება გამოტანილი.
ახალი პლანშეტი Pixel Tablet, კეცვადი Pixel Fold და ბიუჯეტური Pixel 7a
ახალი Pixel Tablet აღჭურვილია Tensor G2 პროცესორით, 8 GB ოპერატიული მეხსიერებით, 11 დიუმიანი დისპლეით 2560 x 1600 პიქსელის გარჩევადობით და ორი რვა მეგაპიქსელიანი კამერით წინა და უკანა მხარეს. ჩართვის ღილაკს აქვს ჩაშენებული თითის ანაბეჭდის წამკითხველი.
კომპანია ამბობს, რომ ბატარეა გაძლებს 12 საათი ვიდეოს ყურებისას. ტაბლეტს მოყვება დოკ სადგური დინამიკით. მოწყობილობა ხელმისაწვდომია მხოლოდ Wi-FI კონფიგურაციით (არა LTE) 500 დოლარად.
კომპანიამ ასევე წარმოადგინა თავისი პირველი დასაკეცი სმარტფონი, Pixel Fold. იგი აღჭურვილია Tensor 2 პროცესორით, 12 GB ოპერატიული მეხსიერებით და 4800 mAh ბატარეით, ასევე 48 მეგაპიქსელიანი მთავარი კამერით ოპტიკური სტაბილიზაციით, 10.8 მეგაპიქსელიანი ფართო კუთხით და 8.3 მეგაპიქსელიანი წინა კამერით.
OLED ეკრანი არის 5.8 დიუმი დაკეცილი და 7.6 დიუმი გაშლილად. დისპლეი მხარს უჭერს განახლების სიხშირეს 120 ჰც. სპეციალური ანჯამა დამზადებულია უჟანგავი ფოლადისგან და საშუალებას გაძლევთ დაკეცოთ მოწყობილობა ეკრანებს შორის ჭრილის გარეშე.
სმარტფონის შეკვეთა შესაძლებელია აშშ-ში 1799 დოლარად.
Google-მა ასევე წარადგინა თავისი ბიუჯეტური სმარტფონის განახლებული ვერსია – Pixel 7a. იგი აღჭურვილია Tensor G2 პროცესორით და 6.1 დიუმიანი დისპლეით, რომელიც მხარს უჭერს კადრების სიხშირეს 90 ჰც. საბაზისო ვერსიაში სმარტფონის ფასი 499 დოლარია.
