Apple-ის აღმასრულებელმა დირექტორმა ტიმ კუკმა განაცხადა, რომ კომპანიას სურს ბრიტანეთში მეტი თანამშრომლის დაქირავება ხელოვნური ინტელექტის განვითარებისთვის, წერს BBC.
დიახ, ჩვენ ვიღებთ თანამშრომლებს ამ სფეროში და ამიტომ ველოდები [ინვესტიციების] გაზრდას.
ტიმ კუკი, Apple-ის ხელმძღვანელი
კუკის თქმით, ხელოვნური ინტელექტი ეფუძნება Apple მოწყობილობების მნიშვნელოვან ფუნქციებს.
ის ფაქტიურად ყველგან არის ჩვენს პროდუქტებში და, რა თქმა უნდა, ჩვენ ასევე ვიკვლევთ გენერაციულ AI-ს, ამიტომ ბევრი სამუშაო გვაქვს გასაკეთებელი.
ტიმ კუკი, Apple-ის ხელმძღვანელი
გენერაციულ AI-ს შეუძლია შექმნას ტექსტი, სურათები და ვიდეო მომხმარებლის მოთხოვნის საპასუხოდ. ბევრი მსხვილი კომპანია ახლა აქტიურად ავითარებს ამ ტექნოლოგიას. OpenAI-ს, Microsoft-სა და Google-ს აქვთ საკუთარი გენერაციული AI.
კუკის განცხადება დიდ ბრიტანეთში ვიზიტის დროს გააკეთა. ის ეწვია ლონდონის ახალ Apple Store-ს და შეხვდა უელსის პრინცს და პრინცესას.
