Microsoft-მა გამოუშვა Office-ის დამოუკიდებელი ვერსია 2024 წლის გამოცემით – მათთვის, ვისაც არ სურს Microsoft 365-ის გამოწერის საფასურის გადახდა.
Office 2024 პაკეტი მოიცავს Word-ს, Excel-ს, PowerPoint-ს, OneNote-სა და Outlook-ს – ყველაფერს, რაც დაემატა Microsoft 365-ს ბოლო სამი წლის განმავლობაში. ბოლოს Office ცალკე გამოიცა 2021 წელს.
ცვლილებებს შორისაა: მუქი თემა, სურათების შექმნა მოთხოვნით, Android მოწყობილობებიდან ფოტოების სწრაფი დამატება, დინამიური მონაცემების ბმულები დიაგრამების ასაგებად (Excel-ში), PowerPoint-ის სლაიდებში რეალურ დროში კამერის მონაცემების დამატება, თხრობის ხმის ჩაწერა და სუბტიტრები, მონაცემთა აღდგენა აპლიკაციების შემთხვევითი დახურვის შემთხვევაში.
Microsoft-ის ანგარიში Office 2024-ის სამუშაოდ მაინც დაგჭირდებათ, მაგრამ ის საჭიროა მხოლოდ აქტივაციისა და განახლებების ჩამოტვირთვისთვის. Office 2024 იმუშავებს Windows 10-ზე, 11-ზე და macOS-ის ბოლო სამ ვერსიაზე.
აშშ-ში პაკეტის საშინაო ვერსია, რომელიც მოიცავს Word-ს, Excel-ს, PowerPoint-სა და OneNote-ს, შეფასდა 149 დოლარად, ხოლო თუ Outlook-ი გჭირდებათ, მოგიწევთ ბიზნეს ვერსიის აღება და 249 დოლარის გადახდა.
