#Tech4Equality – ტექნოლოგიები თანასწორობისთვის
თბილისში, ხუთ მარტს, 09:30 საათზე, სასტუმროში „რუმს“-ში (კოსტავას 14, თბილისი), გაიმართა თანამედროვე ტექნოლოგიების შემქმნელების, ქალი მეცნიერებისა და თანასწორობის ქომაგების შეხვედრა სტუდენტებსა და ახალგაზრდებთან. “შეხვედრა სათაურით #Tech4Equality – ტექნოლოგიები თანასწორობისთვის, ქალთა საერთაშორისო დღის წლევანდელ თემას ეხმაურება – „გაითავისე თანასწორობა, აშენე გონივრულად, გამოიყენე ინოვაცია ცვლილებისთვის” – წერია ღონისძიების აღწერაში.
ჯეოლაბში პროფესიულ კურსებზე რეგისტრაცია იწყება
ჯეოლაბში დიზაინში, ციფრულ კომუნიკაციებსა და პროგრამირებაში პროფესიულ კურსებზე რეგისტრაცია იწყება.”ალბათ, ერთხელ მაინც გიცდია რუბიკის კუბის აწყობა, მცდელობა კი ან წარმატებული, ან წარუმატებელი ყოფილა. სასურველი მიმართულების არჩევის შემდეგ, ჩვენი ლექტორები დაგეხმარებიან კუბის სწორად აწყობაში.” – ვკითხულობთ შემოთავაზებაში. ჯეოლაბი მობილური და ვებ აპლიკაციების ლაბორატორიაა. ჯეოლაბის განუყოფელი ნაწილია სასწავლო ცენტრი, სადაც ნებისმიერ მსურველს შეუძლია ისწავლოს მისთვის საინტერესო მიმართულებით.
Facebook-მა სტარტაპი შეიძინა
Facebook-მა ავეჯით მოვაჭრე სტარტაპი GrokStyle შეიძინა. სტარტაპი ხელოვნური ინტელექტის დახმარებით online ყიდის ავეჯსა და სახლის მოსაწყობად საჭირო ნივთებს. როგორც გამოცემა Bloomberg წერს, ეს ფაქტი ბევრს ამბობს სოციალური ქსელის სამომავლო მიზნების შესახებ ელექტრონული კომერციის მიმართულებით. აღნიშნულ ინფორმაციას Facebook-ის წარმომადგენლები არ უარყოფენ, თუმცა არც ადასტურებენ.
Messanger-ს ახალი ფუნქცია დაემატა
Facebook-ის Messanger-ს ახალი ფუნქცია დაემატა. ეს ფუნქციაა ღამის რეჟიმი, რომლის ჩართვის შემთხვევაში თეთრი ეკრანი ჩაბნელდება. ახალი ფუნქციის მიზანია მომხმარებლებისთვის მეტი კომფორტის შექმნა. ღამით ეკრანის განათება შესაძლოა შემაწუხებელი იყოს, ამიტომ ღამის რეჟიმი სიბნელეში აპლიკაციით სარგებლობას თქვენი თვალებისთვის უფრო კომფორტულს გახდის. Dark Mode-ის გასააქტიურებლად საჭიროა ჩატში მთვარის ემოჯი (?) გაგზავნოთ.
GIPA-ს და სტარტაპერის ერთობლივი პროექტი დაიწყო
22 თებერვალს GIPA-ს და სტარტაპერის ახალი ერთობლივი პროექტი “ბიზნეს ამქარი” დაიწყო. ამ პროექტის ფარგლებში GIPA-ს სტუდენტები სტარტაპერის მონაწილე კომპანიებს მომსახურებას გაუწევენ. “ბიზნეს ამქარის” მომსახურების სფეროები მოიცავს კომპანიების ორგანიზაციული და მართველობითი სისტემების გამართვის, მარკეტინგის, ფინანსების, საოპერაციო საქმიანობის, კრეატიულ და სამართლებრივ საჭიროებებთან დაკავშირებულ (საერთო ჯამში 80-მდე) სერვისის გაწევას.
Google Hash Code-ის ჩემპიონატი ტექნოპარკში
ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს ტექნოპარკში Google Hash Code-ის ღონისძიება ჩატარდა. ეს ღონისძიება არის გუგლის მიერ ორგანიზებული ყოველწლიური მსოფლიო ჩემპიონატი. ჩემპიონატში მონაწილეობას მსოფლიოს სხვადასხვა კუთხიდან იღებენ. დეველოპერებს ეძლევათ საშუალება რეალურ დროში მიიღონ ტექნიკური დავალება და იმუშაონ პრობლემის გადაჭრაზე.
როდის ვიხილავთ AIRPODS 2-ს ?
Applesfera-ს მიერ გავრცელებული ინფორმაციით, AIRPODS 2 შესაძლოა საზოგადოებამ 29 მარტს იხილოს. AIRPODS-ების გამოსვლის თარიღის შესახებ უკვე რამდენჯერმე გავრცელდა ინფორმაცია. Apple-ის უკაბელო ყურსასმენების ახალი ვერსიის გამოსვლის შესახებ ინფორმაცია Applesfera-ს Apple-ის ერთ-ერთი თანამშრომლისგან აქვს. კითხვაზე პასუხი, თუ როდის ვიხილავთ AIRPODS 2-ს, ჯერჯერობით უცნობია.
მცირე ინფორმაცია OnePlus 7-ის შესახებ
OnePlus 7 მსოფლიოში პირველი სმარტფონია Snadragon 855-ის ჩიფსეტით და 5G ტექნოლოგიით. აღნიშნულ მობილურს მულტი კამერა, ახალი უსაფრთხოეის სისტემა და 12 გიგაბაიტიანი ოპერატიულ მეხსიერება აქვს. როგორც ამ დრომდე გავრცელებული ინფორმაციით ვიცით, OnePlus 7 არ ეღირება $800-ზე მეტი. აღნიშნული სმარტფონი თებერვლის ბოლოს, მობილური მოწყობილობების საერთაშორისო ღონისძიებაზე იხილა საზოგადოებამ.
“შექმენი შენი პირველი რობოტი” – პროგრამა სკოლის მოსწავლეებისთვის
“შექმენი შენი პირველი რობოტი” თავისუფალი უნივერსიტეტისა და ედისონის ერთობლივი პროგრამაა სკოლის მოსწავლეებისთვის. მონაწილეობის მიება შეუძლიათ 9-12 კლასის ტექნოლოგიებითა და ინოვაციებით დაინტერესებულ მოსწავლეებს.”პროგრამის ბოლოს Arduino-ს გამოყენებით შენ შეგეძლება შექმნა და დააპროგრამო კომპლექსური ტიპის რობოტები/ჭკვიანი მოწყობილობები, რაც საშუალებას მოგცემს ტექნოლოგიურ სამყაროში სიახლე შეიტანო და დიდ წარმატებას მიაღწიო.” – წერია პროგრამის აღწერაში. დამატებითი ინფორმაცია: https://www.facebook.com/events/638588636593190/
ვებპროგრამირებასა და სოციალურ მედია მარკეტინგში უფასო ტრენინგები ქალებისთვის
ვებპროგრამირებასა და სოციალურ მედია მარკეტინგში უფასო ტრენინგები დასავლეთ საქართველოში მცხოვრები ქალებისათვის ჩატარდება. სასწავლო პროგრამა აჭარაში, გურიაში, სამეგრელოში, იმერეთსა და რაჭაში მცხოვრები ქალებისათვის გაიმართება. პროექტისთვის შეირჩა სულ 130 ქალი. მათი ასაკი 18-25 წელია. მონაწილეთაგან 40 საუკეთესო კი, ანაზღაურებად სტაჟირებას გაივლის. უმაღლესი შედეგების მქონე 3 მონაწილე კი ევროპაში, ტექნოლოგიებისადმი მიძღვნილ ღონისძიებას დაესწრება.