საქართველოში არსებული ფასებისა და პროდუქციის კატალოგი

Price.ge  ხელოვნური ინტელექტის ელემენტებისა და მაქსიმალურად მოქნილი მარკეტპლეისის შექმნას გეგმავს.

„Price.ge-მ ფუნქციონირება პირველად 2011 წელს დაიწყო. რიგი მიზეზების გამო პროექტი მალევე შეწყდა. ახლა, ახალი რესურსებითა და ძალებით კვლავ დავიწყეთ ფუნქციონირება. უკვე 3 თვეა რაც გავუშვით პლატფორმა და დღეში დაახლოებით 500-600 ვიზიტორი გვყავს. რა თქმა უნდა, ეს რაოდენობა არ არის ჩვენთვის საკმარისი. წლის ბოლომდე დღეში, რამდენიმე ათას უნიკალურ მნახველს ველოდებით.“ – განაცხადა Navigator-თან საუბრისას Price.ge – ს დამფუძნებელმა ლადო კანდელაკმა.

ასევე, მან აღნიშნა, რომ სხვა ბაზრებზე შესვლაც გეგმავენ, თუმცა ეს მომავლის საკითხია.

Price.ge – ეს არის საქართველოში არსებული ფასებისა და პროდუქციის კატალოგი, სადაც
მომხმარებლებს შეუძლიათ მარტივად იპოვნონ მათთვის საუკეთესო პროდუქტი და შეთავაზება. ასევე, საიტზე შეგიძლიათ შეადაროთ ფასები, მონახოთ საუკეთესო ვარიანტი და ა.შ.