ბილაინი ბაზრიდან გასვლას არ გეგმავს – კომპანიის პასუხი კომუნიკაციების კომისიას
კომუნიკაციების ეროვნული კომისიის თავმჯდომარემ დღეს განაცხადა რომ მობილურ ოპერატორ ბილაინს ბაზრის დატოვება აქვს გადაწყვეტილი. ბილაინში კი აცხადებენ, რომ ჩვეულ რეჟიმში აგრძელებენ მუშაობას, ბაზრიდან გასვლას არ გეგმავენ და 1.3 მილიონამდე მომხმარებლის მომსახურებას ისევ აგრძელებენ. “ბილაინი დიდი ტელეკომ ჯგუფის ნაწილია და, როგორც ნებისმიერი მსგავსი ზომის ჯგუფის შემთხვევაში, შეიძლება მოხდეს კომპანიების ყიდვა და გაყიდვა – ეს ბიზნესის წარმართვის ჩვეულებრივი ნაწილია. ამ ეტაპზე ყიდვის ან გაყიდვის წინადადება არ არსებობს და კომპანია განაგრძობს განვითარებას, რომ შექმნას კიდევ უფრო მეტი ღირებულება მისი თანამშრომლებისთვისა დამომხმარებლებისთვის,”-აცხადებენ ბილაინში.
გავრცელდა Galaxy S10 და Galaxy S10+ ფოტოები
დღეს გერმანულმა ვებგვერდმა გაავრცელა ფოტოები, სადაც, სავარაუდოდ, Galaxy S10 და Galaxy S10+ ჩანს. Samsung-ის პრეზენტაციამდე კიდევ ერთი თვეა დარჩენილი, თუმცა ახალი სმარტფონების ფოტოებმა ინტერნეტში უკვე გაჟონა. გავრცელებული ინფორმაციის თანახმად, Galaxy S10-ს ეკრანში ჩაშენებული ანაბეჭდის სენსორი ექნება. როგორც ამ დროისთვისაა ცნობილი, 20 თებერვალს დაგეგმილ კონფერენციაზე Samsung-ი Galaxy S10-ის სამ განსხვავებულ ვერსიას წარადგენს.
Apple განახლებულ Airpods გამოუშვებს
2019 წლის პირველ ნახევარში კომპანია Apple Airpods-ის ახალ ვერსიას გამოუშვებს. Digitimes-ის ცნობით, AirPods 2 ბიომეტრიული სენსორებით იქნება აღჭურვილი, რაც ჯანმრთელობის მონიტორინგს გახდის შესაძლებელს. როგორც ირკვევა, ყურსასმენი წყალგამძლე იქნება და წინა AirPods-თან შედარებით უკეთესი ჟღერადობა ექნება. ტექნიკური მახასიათებლების შესახებ ოფიციალური ინფორმაციის გასაჯაროვებას Apple-სგან უახლოეს მომავალში უნდა ველოდოთ.
ახალი შესაძლებლობა ინვესტორებისთვის
ინვესტორებს შესაძლებლობა ეძლევათ სამთვიანი სასწავლო ვიზიტით იტალიაში, ევროპულ ინოვაციურ ცენტრ Kilometro Rosso – ში წავიდნენ. Kilometro Rosso ევროპული, ინოვაციური ცენტრია, რომელიც მომხმარებელს სამეწარმეო აქტივობებს, კვლევით ცენტრებს, ლაბორატორიებს, პროფესიულ სერვისებსა და ტრენინგებს სთავაზობს. ვიზიტი 2018 წლის 16 ივლისს ინოვაციების და ტექნოლოგიების სააგენტოსა და იტალიის ტექნოლოგიური ინოვაციების ასოციაციას COTEC – ს შორის სამოქმედო შეთანხმების ფარგლებში ხდება. შეთანხმების ფარგლებში […]