თბილისში, Expo Georgia-ში პირველი ფართომასშტაბიანი ფორუმი ‘’TALKING EVIRONMENT” 5 მაისს გაიმართება. ორგანიზატორების თქმით ფორუმის მთავარი სამსჯელო თემა ნარჩენების მართვის თანამედროვე ინოვაციური მიდგომები, პრაქტიკები და მათი დანერგვის მექანიზმები იქნება, რომელიც საქართველოში უახლოეს მომავალში განხორციელდება. ფორუმის ერთ-ერთი სპიკერი, ევროკავშირის ელჩი საქართველოში კარლ ჰარცელი და არაერთი საერთაშორისო ექსპერტი ქართულ მხარეს ევროკავშირის ქვეყნების გამოცდილებას გაუზიარებენ. იგეგმება ცირკულარული ეკონომიკის კონცეფციის დეტალურად განხილვა. ფორუმში მონაწილეობა 1 მაისამდე რეგისტრაციის საფუძველზე სტუდენტებს, ექსპერტებს, სამოქალაქო საზოგადოების წარმომადგენლებს და ჟურნალისტებსაც შეეძლებათ. ევროკავშირის ელჩი ვიდეო მოსაწვევსაც ავრცელებს, რომელშიც ქართულ მხარეს აქტიური ინოვაციური გარემოსდაცვითი მექანიზმების ამუშავებასა და პრაქტიკული ნაბიჯების გადაგმაში მონაწილეობისკენ მოუწოდებს.
