9 მაისს თბილისში კავკასიის კრეატიული რეგიონული კონფერენცია გაიხსნება, რომლის მთავარი ფოკუსიც წელს ქალი მეწარმეების ჩართულობა და  გააქტიურება იქნება სამეწარმეო და კრეატიულ ინდუსტრიებში. კონფერენციაზე სწორედ ამ მიმართულების ქალბატონები შეიკრიბებიან როგორც საქართველოდან, ასევე ფინეთიდან, აზრებაიჯანიდან და სომხეთიდან. მოწვეული იქნებიან ამ სფეროს წამყვანი ექსპერტები და სპეციალისტები, რომლებიც ახალ ინოვაციურ მიდგომებსა და წარმატებულ პრაქტიკებზე ისაუბრებენ. გაიმართება სხვადასხვა ფორმატის დისკუსიები და გუნდური სამუშაოები. კონფერენციას ლოლიტა უმასპინძლებს.