“მეწარმეთა კავშირი” მსხვილი სავაჭრო ქსელების წარმომადგენლებს შეხვდება
პირველ აგვისტოს, “მეწარმეთა კავშირი” მსხვილი სავაჭრო ქსელების წარმომადგენლებს შეხვდება და შეხვედრა დახურულ ფორმატში გაიმართება. “შეხვედრის ფარგლებში “მეწარმეთა კავშირი”, სავაჭრო ქსელების წარმომადგენლებს საკუთარ ახალ ინიციატივას გააცნობს, რომელიც მათ,მცირე და საშუალო მწარმოებლებთან თანამშრომლობაში დაეხმარებათ. თანამშრომლობის ფორმა რომელსაც “მეწარმეთა კავშირის” ინიციატივა ითვალისწინებს, გააძლიერებს მსხვილ სავაჭრო ქსელებს, ასევე განვითარების საშუალებას მისცემს ადგილობრივ, მცირე და საშუალო მეწარმეებს.” – წერს ბიზნეს აქსელერატორი […]
ევროკავშირმა ოფიციალურად დაიწყო გამოძიება Amazon-ის წინააღმდეგ
როგორ იყენებს Amazon მათ პირად მონაცემებს? ირღვევა ანტიმონოპოლიური კანონი? – ამ საკითხზე ევროკავშირმა ოფიციალურად დაიწყო გამოძიება. როგორც EU-ს წარმომადგენლები ამბობენ, მათ სურთ დეტალებში გაერკვნენ და გაიგონ, რამდენად კანონიერად ხდება ყველაფერი კომპანიაში და კომპანიის მიერ. ექსპერტების მტკიცებით, მონაცემებს არაკეთილსინდისიერად, ბაზარზე გავლენის გასაზრდელად იყენებენ კომპანიები Amazon, Google, და Facebook.
ჰაკერებმა რუსეთის ФСБ-ს სერვერი გატეხეს
ჰაკერებმა რუსეთის ФСБ-ს სერვერი გატეხეს – გატანილია 7.5 ტერაბაიტი ინფორმაცია და გამჟღავნებულია საიდუმლო პროექტები. როგორც ირკვევა, 13 ივლისს FSB-ს კონტრაქტორის ,,SYTECH’’-ის სერვერი 0v1ru$-ის სახელით გატეხეს ჰაკერებმა და რუსეთის უშიშროების უმნიშვნელოვანესი ფარული პროექტები გამოაქვეყნეს ინტერნეტში. ფაილები ცხადყოფს, რომ SYTECH თანამშრომლობს FSB-სთან 2009 წლიდან და მუშაობდა სხვადასხვა საიდუმლო პროექტებზე, რომელთაგან თითოეულს თავისი უნივერსალური ფუნქცია გააჩნდა.
სააგენტოს ,,აწარმოე საქართველოში” მადლობის ჯილდო გადაეცა
18 ივლისს ,,რეფორმეტრის” მე-3 ფაზის შემაჯამებელ ღონისძიებაზე – ,,რა შეიცვალა ხალხისთვის?“ სააგენტოს ,,აწარმოე საქართველოში” მადლობის ჯილდო გადაეცა. ღონისძიებაში მონაწილეობა სახელმწიფო, კერძო, სამოქალაქო და საერთაშორისო ორგანიზაციების წარმომადგენლებმა მიიღეს. გაიმართა სადისკუსიო პანელი მათივე მონაწილეობით და, ასევე, ღონისძიების ფარგლებში კვლევითი ინსტიტუტმა ISET ეკონომიკური რეფორმების მიმდინარეობის შეფასების ანგარიში წარადგინა.